Folge 11 - Rückblick & Usblick vom gliebte Chaosclub
![]()
19.06.2023
01:37:10
Zimli gnau ir Mitti vor Summerpouse mäude mir üs mau wieder z'Wort. Mir Analysiere z'Saisonändi vom SCB, gäbä üsä Sänf zu de sithär gmachte Wächsle vor GL bis zu de Spielertransfers und am Schluss mache mir no ä Rückblick ufs erneut grandiose WM-Versägä vor Schwiizer Nati. Mir wünsche nech ä schöne Summer und mä gseht sech im Ougust, we d'Testspiu ume los göh. Viu spass bim lose u bis gli!
Jetzt in der App abspielen
Folge 10 - Irgendwie d'Playoffs gschafft
![]()
13.03.2023
00:50:34
Zwüsche Pre-Playoffs und Playoffstart mäude mir zwöi Liiribänzä üs mau wieder zrugg. Dr gröscht vo aune Hockeyclubs hets doch tatsächlech irgendwie id Playoffs gschafft u niemer weiss wiso. Nachem ne Horror-Januar und nid numä überzügendä Leischtigä zum Qualiändi steit iz glich dr Viertufinau bevor.
Schonigslos wie eh und jeh analysiere mir die Quali und die vergangeni Churzserie gägä Chloote. Wie immer betrachte mr ou no was süsch no so umä SCB passiert.
Viu Spass bim zuelose!
Jetzt in der App abspielen
Folge 9 - verspäteti Wiehnachtsfoug
![]()
17.01.2023
01:13:14
Es isch ja scho normau dassmers nid schaffe, üsi Terminverspäche ihzhaute. Mä kennts fangs... Nichtsdestotrotz heimer mau wieder über üse gliebt Schlittschuhclub gredt. Dieses mau göhmer d'Spiu eher im Schnäudurchlouf düre, drfür rede mr chli usfüehrlecher um angeri Themä rund ume SCB und z'Schwiizer Hockey.
Viu Spass bim zuelose und mir fröiä üs wie immer über Feedback.
Jetzt in der App abspielen
Folge 8 - Mir si zrügg!
![]()
20.10.2022
01:20:54
Mau wieder mäudä sech die beide Liiribänzä z'Wort u brichte über d'Gschehnissä rund umä gröscht Hockeyclub vor Wäut. Das mau bespräche mr d'Testspiu, dr Saisonstart u was süsch no so passiert isch rund um üsä gliebt SCB. Loset dri u fröiet nech uf fasch angerhaub Stung Rampägliir vo sirä beschtä Sitä!
Mir dankä öich scho fürs lose und fröie üs wie immer über öies Feedback.
Jetzt in der App abspielen
Folge 7 - Hitzigi Summerpouse
![]()
02.08.2022
01:00:50
Mir heis natürlech ume vergäh vorhär ä nöii Foug z'mache u iz glich no gschafft, dassmer vor Beginn vo de Testspiu vom SCB üs mau wieder mäudä und üses Gliir zu diverse Themä rund umä SCB und z'Schwiizer Hockey kundtue. Sigs ä Rückblick uf d'Playoffs ohni SCB oder d'WM, Spieler wo chömä und göh oder ou einigi angeri Themä. Zum Schluss wagä mir no ä Usblick uf d'Vorbereitig vom SCB.
Passend zum aktuellä Hochsummer wirds ou hie mau ume hitzig bi gwüsse Themä. Loset dri, häbet spass und bis gli wieder im Stadion. Über Feedback würdä mir üs wie immer fröiä.
Jetzt in der App abspielen
Folge 6 - Hoch die Hände, Saisonende!
![]()
01.04.2022
01:49:04
Nachem meh aus entüschendä Saisonändi vom SCB mäude mir üs nomau usfüehrlech zu Wort und liirä über die letschtä Spiu vor Quali. Witers bewärtä mir d'Leischtig vo de einzelnä Spieler und analysierä schonigslos die verkorksti Saison vo üsem Schlittschuhclub. Emotione aber o Hass sy ume gsy bim Ufnäh und drum isch dr Zensurpiepser durchuus hüüfig zum Ihsatz cho.
A derä Steu wünschä mir aunä SCB-Fans und spezieu üserä tröiä Hörerschaft ä gueti Zyt und mir ghöre üs sicher mau im Summer, vilech mit dr eint oder angere Spezial-Version.
Jetzt in der App abspielen
Folge 5 - Januarloch des Grauens
![]()
17.02.2022
00:51:51
Ir Olympiapouse heimers mau ume gschafft ä nöii Foug ufznäh. Besproche wird dr fasch scho historisch schlächt Januar vo üsem SCB. Witers mache mr ä Usblick ufs rästlechä Qualiprogramm. Transfers und Grücht (wo zwüsche Ufnahm und Veröffentlichung definitiv sy worde) wärde besproche. Bim Blick übere Täuerrand isch Olympia und üsi Nati es Thema.
Dasmau simer chli chürzer aus ou scho. Viu Spass bim zuelose und bis baud ir Aumänd oder ou Uswärts.
Jetzt in der App abspielen
Folge 4 - Autjahrsgliir
![]()
30.12.2021
01:20:07
Nach dr Wiehnachtä isch vorem neuä Jahr. D'Jungs diskutiere die letschtä SCB-Spiu vom autä Jahr. Witer isch Corona wieder meh Thema aus üs eigentlich lieb isch. Die eint oder angeri Sach wo nid direkt mitem SCB ztüe het, wird natürlech o no usgiebig besproche. Zum Abschluss giz no es chlises "SCB-Usländer-Special". Syt gspannt. Wie immer verliere mir gärn dr Fadä u schweifä ab, ds darf aber o so sy.
Mir entschuldigä üs schomau voräwäg für die nid perfekti Tonqualität, da ä Heud bir Ufnahm vergässe het z'richtigä Mik ahzwählä...
Jetzt in der App abspielen
Folge 3 - Zwüschefazit zur Qualihaubzyt
![]()
24.11.2021
01:07:56
Nach viu z'langer Zyt mäudä mir üs mau wieder. D'Jungs diskutiere D'Spiu wo sy gsi ide letschä Wuchänä. Drzue giz ä Zwüschebricht nach dr haubä Qualifikation. Im Usblick bespräche mer unger angerem Vertagsabschlüss wo ir letschti bekannt sy worde. Und wie immer giz o no chli Gliir wo nid nume ume SCB geit.
Viu Spass u merci fürs zuelose.
Jetzt in der App abspielen
Folge 2 - Saisonstart mit Negativrekord
![]()
11.10.2021
01:01:57
Viu z'lang isches wieder gange, dass die nöii Foug nach dr Ufzeichnig fertig isch worde. Da drfür giz kes Sorry u ou ke Rächtfertigung, ds isch iz eifech so.
D'Jungs bespräche dr Gschichtsträchtig schlächt Saisonstart vom SCB und zieh es erschts Fazit nach de erschtä Spiu.
Viu Spass bim zuelose.
Jetzt in der App abspielen
Folge 1 - Gliir zum Beginn
![]()
20.09.2021
01:11:40
Iz isch sy auso fertig, die erschti Foug vo üsem Podcast. Lang isches gangä und natürlech ou viu z'spät füre Zytpunkt womer hei ufgno, aber mä muess sech ja no chönne steigere.
Mir wünsche ömu scho mau viu Spass bim drilose und würde üs über öies Feedback fröiä.
Jetzt in der App abspielen
