Grasshopper Club Zürich

GC Züri verlürt in SG klar mit 5:0. Eh verdienti Niederlage und im GCZ-Podcast Sächsfoif redemer drüber und gönnd d Szene nomal ih. Eh Therapiestund wo eus wieder zrugg id Realität holt. Viel Spass und Hopp GC Züri!#DeEchtiStadtclub #FirstClubInTown #GCIschZüri

Es isch nöd eifach gsi, trotz dere grosse Euphorie nachem Derbysieg verlürt GC Züri gege de FC Sion mit 0:1.Guet 80 Minute het blauwiss mit 10 Spieler müsse uuscho, da de Verteidiger Saulo Decarli rot kassiert het. Im GCZ-Podcast Sächsfoif redemer wie gwohnt über de Spielverlauf und d Schlüsselszene.Doch au im Basketball gahts zue und her, ufem Feld isch GC Züri z Oerlike am vergangene Wuchenend erfolgrich gsi. Absits vom Feld wird wohl eigewillig ghandlet, denn d Zürcher Basketballer spieled nümme in blauwiss. In London hämmer eh ufregendi Begegnig gha: Euse GCZ-Host hätt d Spieler Plange und Veron Lupi troffe, de Argentinier verzellt wieso er wüki nöd spielt.Nöd verpasse und jetzt innelose, ih die neusti Episode vo dim GCZ-Podcast.Viel Spass und Hopp GC Züri!#DeEchtiStadtclub #FirstClubInTown #GCIschZüri

"GC Züri isch eh Familie!"Ih de neuste Episode vom GCZ-Podcast Sächsfoif treffemer uf zwei Spielerinne, wo Landhockey im Herze und Liideschaft im Blut hännd: D Tanja Landtwing und d Emily Esser. Sie reded drüber, wer sie wüki abseits vom Feld sind, wie alles mit em erste Schläger agfange hätt und warum Landhockey für sie meh als nur Sport isch, sogar fast scho Magie. Gmeinsam blickemer uf ihri Persönlichkeite, prägende Moment vo Erfolg und Rückschläg und erfahred, was Teamgeist, Vertraue und Fründschaft für sie bedütet. Und natürlich: welli bsunderi Rolle de Grasshopper Club Züri ih ihrem Lebe spielt.Nöd verpasse: Folg de Instagram-Konte Vo GC-Landhockey und verpass kei Neuigkeite meh.Die Episode isch am 15. September 2025 ufgnoh worde. De Stephan isch bi dere Episode vercheltet gsi und hätt nöd chönne aktiv teilneh.Viel Spass und Hopp GC Zuri!#DeEchtiStadtclub #FirstClubInTown #GCIschZüri

Machtdemonstration! Im 291. Zürcherderby günnt GC Züri mit 3:0 gege de FC. Ih dere Spielanalyse redemer nomal intensiv über de Spieltag, bespreched d Schlüsselszene und fiiret nomal d Nummere 1 vo eusere Stadt. Dezue besprechemer au de Uftritt vo de GC Fraue im Letzigrund gege Ajax Amsterdam ih de 2. Rundi vom UEFA Europa Cup. Au vom Hardturm gits News: D Rekurs sind abgschmetteret worde und jetzt chammer endlich baue, oder?Nöd verpasse und jetzt innelose, ih die neusti Episode vo dim GCZ-Podcast.Viel Spass und Hopp GC Züri!#DeEchtiStadtclub #FirstClubInTown #GCIschZüri

In der 310. Ausgabe der «Dritten Halbzeit» geht es um die sonderbaren Young Boys. Nach zuletzt zwei Siegen folgte am Wochenende ein deutliches 0:5 beim FC Lausanne-Sport, bei dem das Team mal wieder Rätsel aufgab. Was läuft falsch bei den Bernern oder würde ein Wechsel auf der Trainerposition die Probleme lösen? Oder muss man sogar noch weiter oben ansetzen, damit das Team sein Potenzial dauerhaft abrufen kann?Deutlich positiver sieht es bei den Grasshoppers aus, die das Zürcher Derby gegen den FCZ mit 3:0 gewinnen. Mit einem jungen Team, einer solidarischen Leistung und einer klar erkennbaren Handschrift des neuen Trainers. Also im Grunde all das, was der FC Zürich auch gern wäre, von dem der Club unter Sportchef Milos Malenovic aber aktuell mal wieder weit entfernt scheint.Die Themen:00:00 Intro01:22 Wir lagen falsch!07:33 YB geht 0:5 unter21:49 Lausanne macht Spass25:52 GC hat einen Plan41:21 Otele, Hitz & Shaqiri in Topform50:03 Winterthur im freien Fall56:49 Thun überzeugt weiter01:04:03 Der Heim-Fluch des FCL In der Dritten Halbzeit wird über den Schweizer Fussball diskutiert.  Hosted by Simplecast, an AdsWizz company. See pcm.adswizz.com for information about our collection and use of personal data for advertising.

Mit 2:1 und eim Maa weniger verlürt de Grasshopper Club Züri uswärts im Tessin. Im GC Züri-Podcast Sächsfoif befassemer eus mitem Spiel im Tessin, reded wie gwohnt über d Schlüsselszene und de Spielverlauf. Zudem teilemer mit dir, was eus no beschäftigt, nämlich die gross ahkündeti Zemmearbet mit 11 Teamsports, wo fast kei Artikel bechunnt (oder besser gseit gar kei) vom Grasshopper Club Züri.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih de hütige Episode vom GCZ-Podcast Sächsfoif sind zwei Handballerine z Gast, mit de Helen und de Mailee redemer nöd nur wie sie uf de Handball ufmerksam cho sind, sondern au über anderi GCZ-Sektione und natürlich de Fuessball. Welle Ort isch für Sie d Heimat? und warum söttsch au DU sie unterstütze ide Saalsporthalle ide European League? Das erfahrsch ih de Episode.Bitte entschuldiged d Audioqualität, will nöd alli es Mikrofon gha hännd. Viel Spass und Hopp GC Züri!#DeEchtiStadtclub #FirstClubInTown #GCIschZüri

Mit Ach und Krach chammer scho fast sege, spielt sich de Grasshopper Club Züri in Cup-Achtelfinal. Im Tessin bim AC Bellinzona günnt GC Züri mit 0:1 und spielt im Dezember uswärts bim SC Cham.Ih dere Spielanalyse redemer usfüehrlich über de Cupfight wie auf über die kommendi Europa-Cup Qualifikation gege Ajax Amsterdam.Viel Spass und Hopp GC Zuri!#DeEchtiStadtclub #FirstClubInTown #GCIschZüri

Am vergangene Wuchenend ischs endlich sowit gsi: GC Züri günnt zum erste Mal ih dere Saison, das mit 3:1 gege LS. Mir befassed eus mitem Spiel und gönnd uf d Schlüsselszene ih.Doch au d GC Fraue sind am Dunnstig zum zweite Mal erfolgrich im Ihsatz gstande, mit 3:1 günned d Zürcherinne im Rückspiel vom Europa Cup in Kasachstan, und erwartet en spannende Gegner für ih de zweite Rundi.Viel Spass und Hopp GC Zuri!#DeEchtiStadtclub #FirstClubInTown #GCIschZüri

Am gestrige Mittwuch Abig hennd eusi GC Fraue gege BIIK-Shymkent im Stadion Letzigrund gspielt gha. Eh bsunders Ereigniss da s Spiel für d Zürcherinne s erste gsi isch, im neu gründete UEFA Women's Europa Cup. Grad mit 2:0 günnt de Grasshopper Club Züri gege d Kasache und zweimal trifft die 19-jährigi Janina Egli. Im GCZ-Podcast Sächsfoif redemer z dritte über s Spiel, nehmeds unter Lupe, reded über de Spieltag an sich und aktuelli Theme rund um de Grasshopper Club Züri. Da gahts zum Spiel vo de GC Fraue gege Shymkent zum nomal ahluege.Viel Spass und Hopp GC Züri!Bildquelle: GC Züri Fraue#DeEchtiStadtclub #FirstClubInTown #GCIschZüri

Ih de neue GCZ-Podcast-Episode redet d Sara Elliscasis, Mitglied, und de Christian Elliscasis, Präsident vom GC Business Club, über ihri Faszination für GC Züri, wo bi de Sara miteme GC-Pyjama und ihre Junioreziit bis zu de U18 agfange hätt und bim Christian scho als Achtjährige dur sini Nachbere gweckt worde isch, inklusive enere unvergessliche Begegnig mitem Podcast-Gast und Legende Roger Berbig. Sie verzelled, welli Mensche sie im GC-Umfeld am meiste beeidruckt hännd, wie de Business Club ufbaut isch, warum er kein typische „Cüpli-Club“ isch und für was er au wüki staht. Dezue gits au no Ihblick ih bsunderi Erinnerige, spannendi Erlebniss, de glebti Bezug zu de Tradition und d Frage, wie de Club Mitglieder günnt und wieso au Fans Teil devo si söttet. Innelose lohnt sich für alli, wo de Spirit vo GC und de viellicht transparentisti Business Club nächer kennelerne wännd.Wettsch au Teil vo de Familie werde? Denn meld dich doch da bim GC Business ClubÜbrigens findsch da de GC Business Club uf Linkedin und au uf Instagram - nöd z vergesse abonniere und herzliche Dank für eui Unterstützig.Viel Spass und Hopp GC Züri!#DeEchtiStadtclub #FirstClubInTown #GCIschZüri

Nachem 1:1 zwüsched em Grasshopper Club Züri uswärts in Thun, wartet d Spielanalyse. Ih dere Episode redemer intensiv über de Spielverlauf und nehmed d Situatione gnau unter d Lupe. Nebedem Match redemer au über de Deadline-Day, welle Transfer hett eus am meiste überrascht oder gfreut? und geg welles Team spieled eusi GC Fraue im neugründete Europa Cup? Das und no vielmeh ih de Episode 212.Viel Spass und Hopp GC Züri!Da gahts zum Instagram-Kanal vom GCZ-Podcast Sächsfoif#DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif redemer über s 2:2 vo GC Züri gege WIN, es Kantonsderby voller Emotione, Füehrigswechsel und verpasste Chance, sowie de souveräni 2:0-Sieg vo de GCZ-Fraue im erste Saisonspiel gege Rapperswil-Jona, wo d Effizienz und de Teamgeist de Unterschied gmacht hännd.Viel Spass und Hopp GC Züri!#DeEchtiStadtclub #FirstClubInTown #GCIschZüri

Vom legendäre Hardturm bis hüt ah d Sitelinie: De Roland Schwegler nimmt eus mit uf e Reis dur sini Profi-Karriere und Trainerlaufbahn. Er verzellt vo de magische Momänt bim GCZ, wo er fast 10 Jahr verbracht hätt, vo Cup-Drame, prägende Mitspieler und vom Schritt vom Spielfeld in Richtig Trainerrolle. Was het Profifuessball für ihn bedütet, wie het er de Übergang gschafft und wo gseht er sich in Zuekunft? Es Gspröch voller Liideschaft, Nostalgie und spannende Iiblick i d Welt hinderem Sportler und Mensch Roland Schwegler.Viel Spass und Hopp GC Züri!Da gahts zum ⁠GC Amicitia Züri-Sponsorelauf vo de Maria, ⁠viele Dank für eui Unterstützig.#DeEchtiStadtclub #FirstClubInTown #GCIschZüri

Da gahts zum GC Amicitia Züri-Sponsorelauf vo de Maria, viele Dank für eui Unterstützig. Ide hütige Episode vom GCZ-Podcast Sächsfoif, Vo Fans für Fans - Redemer über s Spiel zwüsched Lache/Altedorf und em Grasshopper Club Züri. D Stadtzürcher setzed sich mit 0:2 dure im Kanton Schwyz und stönnd ih de 2. Rundi vom Schwiizer Cup.Dezue redemer nöd nur über s Cupspiel vom GCZ, sondern au über d Transfers, d Thematik vom Eman Košpo, wo sich für d bosnischi Nationalmannschaft entschiede het, die aktuelli Situation vo blauwiss und de Usblick uf s nögste SpielViel Spass und Hopp GC Züri!#DeEchtiStadtclub #FirstClubInTown #GCIschZüri

Der FC Lugano wirft sich gegen Cham nicht in die Bälle, sondern in die Krise. Das Märchen des FC Thun nimmt trotz Imeri-Transfer gegen Breitenrain ein (vorläufiges?) Ende. Der FC Basel steht vor komplizierten Spielen gegen Kopenhagen. Die Young Boys erhalten gegen Bratislava einen dringenden Siegesauftrag. Die Grasshoppers spielen gegen die Bayern besser als gegen Lachen/Altendorf. Und Granit Xhaka ist in Sunderland mal wieder Chef.

In der 303. Ausgabe der «Dritten Halbzeit» begrüssen wir Amir Abrashi bei uns im Studio. Der Captain des Grasshopper Clubs Zürich hat die ersten Spiele in dieser Saison verletzt verpasst, ist aber nach wie vor zentral für den Club. Als Fussballer,als Kommunikator, als Motivator, als Verkäufer und als generelles Aushängeschild.Abrashi spricht über seine zwei Versionen, über seinen Ehrgeiz und dass im Fussball auch menschliche Komponenten wichtig sind. Er sagt, warum ihm GC alles bedeutet, seit er das erste Mal im Hardturm war und wie er mit den ständigen Kurswechseln des Clubs in den vergangenen Jahren umgeht.Die Themen:00:00 Intro01:46 Vorstellung Amir Abrashi07:42 GC kommt im Cup mit Mühe weiter14:28 Der Mensch Amir Abrashi21:11 Das erste Treffen mit Christian Streich29:11 Die Bedeutung von GC37:54 Wohin führt der Weg des Clubs?45:11 GC-Sportchef Alain Sutter52:23 Das Karriereende rückt näher In der Dritten Halbzeit wird über den Schweizer Fussball diskutiert. 

De Christoph Urech redet im GCZ-Podcast über die neui GCZ-StrategieSit churzem isch de Christoph Urech Teil vo de neue GCZ-Füehrig, Ih dere Episode redet er unteranderem über die drü zentrale Eggpfiiler vom Neustart: wirtschaftliche Wachstum, klari Strukture und kulturelli Identität.Er git exklusivi Ihblick ih bevorstehende Sponsoredeals, erklärt, warum s Logo und d Hymne wieder wichtiger werded, und stellt eh erfahreni Persönlichkeit vor, wo neu de Sponsoring- und Umsatzberich übernimmt. Aber das isch no lang nonig alles: Wie isch er mitem GCZ in Verbindig cho, was bedütet Ihm de Club und was will er umsetze?Alles mitem Ziel, de GCZ wirtschaftlich z stärche, kulturell neu belebe und kommunikativ nöcher ad Fans und Partner z cho.Viel Spass bim ahlose und Hopp GC Züri!Bitte entschuldiged d Audioqualität, die Episode isch per Videoahruef ufgnoh worde und darum hännd nöd alli die technische Möglichkeite gha wie gwohnt.#DeEchtiStadtclub #FirstClubInTown #GClschZüri

GC Züri verlürt au im zweite Saisonspiel knapp mit 1:2 in Basel. De FCB startet druckvoll und gaht churz vor de Pause in Füehrig, trotz de umstrittene Zweikampfszene. Nachem Usglich dur de Paskotsi per Chopf reagiert Basel prompt: De Otele chöpft s 2:1. Züri kämpft bis am Schluss, bliebt aber ohni Punkt.Ih dere GCZ-Spielanalyse redemer über de Spieltag, d Fans, d Wetterbedingige und bespreched was guet gsi isch und was sich muss verbessere.Folg jetzt am GCZ-Podcast Sächsfoif uf Instagram um nüt meh z verpasse. Bildquelle: Mike WissViel Spass bim ahlose und Hopp GC Züri!#DeEchtiStadtclub #FirstClubInTown #GClschZüri

Ih de Episode #204 vom GCZ-Podcast Sächsfoif hämmer de Christian Jungen dörfe begrüesse, de Direktor und neu Mitinhaber vom Zurich Film Festival. Mit ihm redemer über sini Rolle hinter de Kulisse, wie's zu de Mitübernahm cho isch und wenn eus s nögste ZFF erwartet.Nachher nehmemer de GCZ unter d Lupe: D Lag bim Klub, D Sterne wie au s Stadionerlebnis und en Blick aufs Spiel gege Basel. Es wird filmisch, fuessballerisch und offe.Herzlichi Gratulation an Christian Jungen, de GCZ-Podcast wünscht Ihm viel Erfolg mit sim Unternehme!Bitte entschuldiged d Audio vo de beide Hosts, leider isch d Ufnahm per Handy erfolgt und nöd wie bim Gast per Mikrofon.Bildquelle: ZFFViel Spass bim ahlose und Hopp GC Züri!

De ersti Spieltag vo de Super League Saison 25/26 isch absolviert worde. Mir analysiered im GCZ-Podcast s erste Spiel vom Grasshopper Club Züri gege de FC Luzern, im Stadion Letzigrund in Züri. GC Zürich vs FC Luzern 2:3: Bitteri Heimpremiere trotz zweimalige Füehrig.Zum Start vo de neue Super-League-Saison liefered de Grasshopper Club Zürich im Letzigrund es packends Spiel, mit eme enttüschende Endi. Trotz zweimalige Füehrig unterliiht de echti Club vo de Stadt Züri Luzern mit 2:3. Bsunder schmerzhaft: En 18-jährige Debütant wird zum Matchwinner für d Gäst.Was isch guet gloffe?, was muss besser werde? Und was bedütet das für s schwere Uswärtsspiel bim Meister FC Basel? Alli Antworte und Analyse gits ih dere Episode! D Fanmeinige us de Community sind eus leider untergange und werded uf jedefall no nahgholt, viele Dank fürs Verständnis.Viel Spass bim ahlose und Hopp GC Züri!#DeEchtiStadtclub #FirstClubInTown #GClschZüri

GC Züri hett zur Pressekonferenz ihglade und thematisiert mitem Cheftrainer und em Sportchef s erste Saisonspiel vo de Super League, zwüsched em Grasshopper Club Züri gege de FC Luzern. S Spiel findet de Samstig am 18:00 statt im Stadion Letzigrund.S Video isch direkt veröffentlicht worde, us dem Grund isch s Intro und Outro nöd debi.Bild- und Videoquelle: GCZViel Spass bim ahlose und Hopp GC Züri!#FirstClubInTown #GClschZüri #GClschZüri

De Podcast-Stammgast Yannick Echave (GCZ-Beachsoccer) isch wieder z Gast gsi, mir thematisiered debi de Heimevent vo de Beachsoccer Sektion vom Grasshopper Club Züri.De Samstig und Sunntig am 27. Juli bis am 28. Juli findet die Spiel statt, eh grosses Happening mit Foodtruck, DJ’s und es Erlebnis für die ganz Familie.Wo staht er mit sim Team? Verfolgt er während sinere Saison au d Fraue EM ih de Schwiiz? Das und viel meh ghörsch ih dere Episode Sächsfoif.Bitte entschuldiged d Audioqualität leider het s Tool nöd wie gwohnt funktioniert und hennd d Episode über Microsoft Teams ufgnoh.Viel Spass bim ahlose und Hopp GC Züri!#FirstClubInTown #GClschZüri #GClschZüri

Viel Glanz ufem GC/Campus: London trifft uf Züri.Zur Vorbereitig vo de neue Saison trifft GC Züri uf West Ham United, West Ham reist mit grossem Staff und Topstars ah und schücht nöd zrugg, au was d Präsentation ahbelangt vom neue Libli. GC Züri erstrahlt mitem neue Trikotsponsor „ELCA“, treit debi aber nonig die neue Libli - Die chömmed bald. Nacheme umkämpfte Spiel muss sich de GCZ mit 1:3 gschlage geh, mir reded intensiv über s Spiel und für eus isch klar, wer Man of the Match worde isch in blauwiss. Am vergangene Wuchenend isch ebefalls GCZ-Fanturnier ahgstande, wie s GCZ-Podcast-Team abgschlosse hett erfahsch ih dere Episode.Viel Spass bim ahlose und Hopp GC Züri!#FirstClubInTown #GClschZüri #GClschZüri

Am hütige 16. Juli hätt GC Züri gege de Challenge League Ufstieger Rapperswil-Jona gspielt gha. Im GC Campus setzt sich de erst Club vo de Stadt mit 2:1 dure und günnt s Testspiel.Viel Spieler sind zum Ihsatz cho und hennd sich für blauwiss (hüt usnahmswiis in Orange) dörfe zeige, mir reded über d Testspieler, die neue Junge und ob das so überhaupt langet für d Super League.Viel Spass bim ahlose und Hopp GC Züri!#FirstClubInTown #GClschZüri

In der 296. Ausgabe der «Dritten Halbzeit» blicken wir auf die Sommerpause in der Super League zurück und müssen erschrocken feststellen: Bisher hat sich noch gar nicht so viel getan. Die meisten Clubs befinden sich noch immer mitten im Umbau und das, obwohl die Liga schon in zwei Wochen wieder startet. Überall Baustellen, egal, wo man hinschaut.Bei Servette, GC, St. Gallen oder Luzern sucht man verzweifelt nach neuen Spielern.  Der FC Zürich bleibt seiner Triple-A-Philosophie treu – will aber trotzdem in eine europäische Gruppenphase. Die Young Boys verpflichten zwei routinierte Rückkehrer. Und beim FC Basel dreht sich auch in der neuen Saison – wie könnte es anders sein – alles um Xherdan Shaqiri.Die Themen:00:00 Intro06:13 FC Basel14:52 Servette FC19:51 Young Boys25:44 FC Lugano30:15 Lausanne-Sport34:16 FC Luzern39:30 FC Zürich45:57 FC St. Gallen48:31 FC Sion51:40 FC Winterthur57:36 Grasshopper Club01:05:05 FC Thun In der Dritten Halbzeit wird über den Schweizer Fussball diskutiert. 

Was passiert wüki hinter de Kulisse vom neue GCZ-Stadion uf em Hardturm-Areal? Bim dritte GC Züri-Forum im Zürcher «Karl der Grosse» gebed d Projektverantwortliche vo de HRS Real Estate exklusivi Ihblick ih de aktuelli Stand vo de Planig. Wie gseht s Stadion künftig us? Welli Hürde stönnd no im Weg? Und wänn chan endlich baut werde?Ih dere Spezialepisode redemer im GCZ-Podcast Sächsfoif übers Projekt «Ensemble», wo nebem Stadion au Wohnruum für 1500 Mensche schaffe sött – zwüsched Vision, Verzögerige und Verwaltigsgricht.Da gahts zum Instagram-Kanal vom GCZ-Podcast Sächsfoif.Viel Spass bim ahlose und Hopp GC Züri!#FirstClubInTown #GClschZüri

Nach soviel Jahre gits endlich en neue Hauptsposnor bim GCZ: D IT-Firma ELCA wird neue Partner vom GCZ und es git witeri News bim Rekordmeister:Saisoneröffnigsevent staht vor de Tür, das natürlich z mitzt ide Stadt wie au d Infoverahstaltig zum Hardturmprojekt.Wer steckt jetzt hinterem Deal? Schwierig z sege, aber sit de CBO Urech bim GCZ isch het sich wies usgseht öpis da, mal luege was no uf eus zuechunnt.Nöd vergesse: Jetzt s Saisonabo hole unter dem Link.Viel Spass bim ahlose und Hopp GC Züri!#FirstClubInTown #GClschZüri