Sächsfoif - De Fan-Podcast vom GCZ

GC Züri präsentiert mit em Richard Feuz de neui CEO, während de Bachir Gnom d Zürcher in Richtig KAA Gent verlaht. Mir reded im GCZ-Fan-Podcast über die wichtigste Personalie, s Goalie-Grücht um de Marvin Hübel, de Testspiel-Rückblick gege Panathinaikos und de Cup-Uftakt gege Regesdorf.Viel Spass bim ahlose und Hopp GC Züri!#FirstClubInTown #GCIschZüri #Sächsfoif

GC Züri startet ih es neus Kapitel: D Bridge Football Group isch neu Mehrheitsbsitzer vom Club. D internationali Investoregruppe wott d Stadtzürcher zum Flagship vo ihrem Netzwerk mache und setzt uf en langfristige Ufbau statt schnälli Erfolg. Im Fokus stönnd meh Swissness i de Clubführig, eh stärcheri Nachwuchsförderig und e gsundi finanzielli Entwicklig. Trainer Peter Zeidler und Captain Amir Abrashi hännd de Neustart positiv beurteilt. D Botschaft vo de Pressekonferenz isch klar gsi: Kei grossi Versprechige, sondern Schritt für Schritt wieder meh Stabilität, Vertraue und sportliche Erfolg.Im GCZ-Fan-Podcast Sächsfoif redemer über d Pressekonferenz und die neue Inhaber.Viel Spass bim ahlose und Hopp GC Züri!#FirstClubInTown #GCIschZüri #Sächsfoif

D Landhockey-Sektion vom GCZ hätt eh überragendi Saison hinter sich. Mit em Europacup-Sieg händ d Zürcher Hoppers Vereinsgschicht gschribe und sich international de gröschti Erfolg vo de Sektion gholt. Ih de Meisterschaft isch d Saison zwar mit ere Finalniderlag gege Wettingen z End gange, trotzdem überwiegt eh historischs Jahr. Im Fan-Podcast reded mir mit em Benjamin und em Fabian über ihri Saison, ihri Karriere und was de GCZ im Landhockey so speziell macht.Viel Spass bim ahlose und Hopp GC Züri!#FirstClubInTown #GCIschZüri #Sächsfoif

Sächsfoif #24 GC Amicitia Zürich Handballerinnen Harpa Jónsdóttir, Hannah Bopp & Leonie Aellen (05.07.2023)Im Jahr 2010 fusionierten die beiden Grossclubs auf dem Platz Zürich, die Handballsektion des Grasshopper Club und der ZMC Amicitia Zürich, zu GC Amicitia Zürich. Damit wurde GC Amicitia Zürich zum grössten Handballclub der Schweiz mit jährlich 24-30 Teams und zum einzigen Verein der Schweiz, der sowohl mit Männern wie auch mit Frauen ein NLA-Team hat und bis heute als einziger Verein im Nachwuchs sowohl bei Mädchen wie auch bei den Jungs in sämtlichen Elite-Stufen vertreten ist, jeweils ein 1.Liga Team führt und bei den Männern auch ein NLB-Team als Sprungbrett für eine NLA-Karriere bieten kann.Als GC Amicitia Zürich errangen die Nachwuchsteams seit der Fusion im Jahr 2010 insgesamt 12 Schweizermeister-Titel in den Stufen U13 bis U19. Im Jahr 2022 gelang dem Herrenteam der Gewinn des Schweizer Cups und damit die Rückkehr auf die europäische Bühne.Doch in dieser Episode sprechen wir mit den drei Handballerinnen des Zürcher Stadtclubs GC Amicitia Zürich, Harpa Jónsdóttir, Hannah Bopp & Leonie Aellen. Nicht nur die Karriere im Schweizer Handball werden besprochen, sondern auch etwas heiklere Themen wie die Kinderplanung.

D Schwiizer Nati staht mit 7 Pünkt als Gruppesieger im WM-Sechzehntelfinal. De GCZ hät sini Summertour mit Statione in Embrach, Regensdorf und Urdorf erfolgrich abgschlosse und zum Abschluss s erschte Testspiel gege de FC Chrüzlinge souverän mit 4:0 gunne. Das und no meh gits da im GCZ-Fan-Podcast Sächsfoif.Viel Spass bim ahlose und Hopp GC Züri!Bildquelle: GCZ#FirstClubInTown #GCIschZüri #Sächsfoif

Sächsfoif #96 Ehemaliger GCZ-Spieler Izet Hajrović (27.06.2024)Izet Hajrović  – Die goldenen Jahre beim Grasshopper Club ZürichIn dieser fesselnden Episode unseres Podcasts tauchen wir in die faszinierende Karriere von Izet Hajrović ein, wobei der Schwerpunkt auf seiner prägnanten Zeit beim Grasshopper Club Zürich liegt. Der in der Schweiz geborene bosnisch-herzegowinische Fussballprofi hat viele Stationen durchlaufen, doch seine Jahre beim GCZ haben ihn besonders geprägt und beeindruckende Geschichten hervorgebracht.Unbedingt dranbleiben, denn es folgt ein Wettbewerb.Highlights dieser Episode:Aufstieg eines Talents: Wir erkunden Hajrovićs Anfänge und seinen rasanten Aufstieg im Jugendbereich des GCZ. Welche besonderen Fähigkeiten und Eigenschaften machten ihn zu einem vielversprechenden Talent und wie hat er es geschafft, sich einen Platz in der ersten Mannschaft zu sichern?Glanzmomente und Schlüsselspiele: Von unvergesslichen Toren bis hin zu spektakulären Spielen – wir sprechen über die Höhepunkte von Hajrovics Zeit beim GCZ inklusive dem Cuptitel 2013. Welche Momente sind den Fans besonders in Erinnerung geblieben und wie hat er den Club zu wichtigen Siegen geführt.Herausforderungen und Comebacks: Kein Sportler bleibt von Rückschlägen verschont. Wir sprechen über die Herausforderungen, denen Hajrovic gegenüberstand und wie er immer wieder auf die Beine kam.Der Weg nach GCZ: Was passierte nach seiner Zeit beim Grasshopper Club Zürich? Ein Blick auf seine weiteren Karriereabschnitte, Titelsammlung und wie die Erfahrungen beim GCZ seine weitere Laufbahn beeinflusst haben. Hier findest du den GCZ-Podcast Sächsfoif auf Instagram ⁠, wir freuen uns über deine Rückmeldung. #GCIschZüri

Wie blibt mer mental starch, wemmer 25–30 Wuche im Jahr rund um d Wält unterwegs isch? Im GCZ-Fan-Podcast redet d GCZ-Spielerin Jenny Dürst offe über Hypnose, mentali Gsundheit und de Umgang mit Druck, Verletzige und Rückschläg. Sie verzellt, was sie us Hüft-, Schulter- und Handglenk-OPs glernt het, welli Rolle ihri Muetter ih ihrem Weg zur Profispielerin spielt und welli Träum sie no verfolgt. Vo de Top 300 bis zu de Grand Slams. Viel Spass bim ahlose und Hopp GCZ!#FirstClubInTown #GCIschZüri #Sächsfoif

Schwiizerdütsch:Sit 2023 isch de Nemanja Head Coach vo GC Züri Basketball. De ehemalig Profibasketballer het 18 Jahr i verschiedene europäische Länder gspielt gha, bevor er Trainer worde isch. Unter sinere Leitig het GC Basketball 2026 de Ufstig i d NLA gschafft. mit ere Mannschaft, wo grössteteils us de eigene Academy use cho isch. Im GCZ-Fan Podcast redet de Trainer über sini Karriere, Ziel und sini Gschicht.Jetzt ahlose und Hopp GC Züri!English: Since 2023, Nemanja Kovačević has been the Head Coach of GC Zürich Basketball. The former professional player spent 18 years competing in several European countries before moving into coaching. Under his leadership, GC Basketball earned promotion to Switzerland’s top division, the NLA, in 2026 with a team largely developed through the club’s own Academy.In the GCZ Fan Podcast, Nemanja talks about his playing and coaching journey, his philosophy of player development, and the story behind GC Basketball’s remarkable rise.

Jetzt unter dem Link gratis mitmache für d SRF Tippgruppe.De Dario und de Stephan nähmed s Schwiizer WM-Ufgebot under d Lupe, diskutiered über möglichi Alternative fürs Kader und gäbed d Tipps für d Gruppephase ab. Dezue redemer über d Favorite, d Gheimfavorite und d Überraschigsteams vo dere FIFA WM 2026. Eh ehrlichi Analyse und gnueg Stoff für alli Fuessballfans.Viel Spass bim ahlose und Hopp Schwiiz!

Ih dere Episode vom GCZ-Podcast Sächsfoif reded de Dario und de Stephan mit em Andreas Csonka über d Zuekunft vom Grasshopper Club Züri, d Rolle vom Zentralvorstand und was d „GC-DNA“ hüt überhaupt no bedütet. Es gaht um Identität, Nachhaltigkeit im Zürcher Fuessball, d Realität hinter de Finanze im Spitzesport und warum Erfolg i de Schwiiz nöd eifach a Profit messbar isch. Anderi Theme sind d GCZ-Sektione, e möglicha fanowned-Zuekunft, d Strategie hinder Manne- und Frauefuessball und sogar d Frag, ob Padel irgendwenn Teil vo GC Züri werde chönnt. E persönlichs und ehrlichs Gspröch über Tradition, Verantwortig und d Zuekunft vom ältiste Sportclub vo Züri.Viel Spass bim ahlose und Hopp GCZ!#FirstClubInTown #GCIschZüri #Sächsfoif

GCZ-News zum fiire: GC Amicitia Züri het Vereinsgschicht gschribe und sich mit em Meistertitel im Frauehandball s Double (Cup & Meister) gsicheret. Im entscheidende 5. Finalspiel hännd d Zürcherinne de LC Brühl mit 25:22 bezwunge und de erschti Meistertitel sit de Fusion 2010 gholt. Au d GC Züri Basketballer hännd Grund zum juble: Mit em 3:2 ih de Finalserie gege Bernex Basket sind sie NLB-Meister worde und stiiged id NLA uf. Demit fiired d GC Züri-Familie es historischs Erfolgs-Wuchenend mit grad zwei Meistertitel. Das und no meh Theme, findsch ih de neuste Episode vom GCZ-Fan-Podcast Sächsfoif.Viel Spass bim ahlose und Hopp GCZ!#FirstClubInTown #GCIschZüri #Sächsfoif

Es isch gschafft! GC Züri bliebt nachem Drama im Letzigrund ide Super League! Nach Verlängerig günnt GC Züri gege de FC Aarau. Jetzt hämmer Ziit zum dureschnuufe, chönnd s Kader nomal ahluege und eus uf die neui Saison fokussiere.Viel Spass bim ahlose und Hopp GCZ!#FirstClubInTown #GCIschZüri #Sächsfoif

Sächsfoif #17 Mitem Amir Abrashi (26.05.2023)"Oh Captain, my Captain!" Der GC Zürich Captain Amir Abrashi ist zu Gast im GCZ Fan Podcast. Amir spricht über seine Herkunft, über seine längste Verletzung und seinen Weg bis ins Profigeschäft. Mit über 200 Pflichtspielen für den Stadtclub aus dem Zürcher Kreis 1, zählt der Mittelfeld-Terrier zu einem der wichtigsten Identifikationsfiguren des GC Zürich aus den letzten 20 Jahren.

Mitere verstärchte U21 günnt GC Züri in Lausanne vor leere Sitz: Demit startet d Stadtzürcher miteme Sieg id Barrage. Doch s 1:3 het no kein ufwind bracht. Nachem 0:0 gege Aarau staht am Dunnstig s Rückspiel im Letzigrund ah. de Luca und de Stephan reded über die beide Spiel und wie GC Züri ih de Super League chan bliebe.Viel Spass bim ahlose und Hopp GCZ!#FirstClubInTown #GCIschZüri #Sächsfoif

GC Amicitia Züri kämpft um de nächscht Titel: Nach em souveräne Halbfinal-Sieg gege de LK Zug gönnd d Zürcherinne mit riesigem Selbstvertraue ih die Finalserie gege de LC Brühl. Mir reded über de starke Uftritt vom GCZ, de Cupfinal-Rematch und d Chance uf s Double. Im Fuessball luegemer zrugg uf de wichtige 3:2-Sieg vom GCZ gege Winterthur und werfed en Blick uf s Geischterspiel uswärts bi Lausanne-Sport. Was bedütet d Partie no vor de alles entscheidende Barrage? Und genau die staht im Mittelpunkt vo dere Episode: GC Züri gege de FC Aarau, es Traditionsduell um d Super League! Mir thematisiered Aarau, s dramatische Saisonfinale, reded über d Stärche vo beidne Teams und was die Barrage so explosiv macht. Brügglifeld und Letzigrund werded brenne dur GC Züri.Viel Spass bim ahlose und Hopp GCZ!#FirstClubInTown #GCIschZüri #Sächsfoif

Ih de hütige Episode vom GCZ-Fan-Podcast Sächsfoif reded de Dario und de Luca über d Derbyniederlag. Nebed em Hauptthema redemer au über eusi Basketballerinne und d Handballerinne. Au dasmal entscheided d GCZ-Community mit, über d Theme vo de Episode und reded über d Zuekunft vo GC Züri.Viel Spass bim ahlose und Hopp GCZ!#FirstClubInTown #GCIschZüri #Sächsfoif

Sächsfoif #82 GCZ-Unihockeyspieler Noël Seiler und Elia Seiler (09.05.2024)Noël Seiler, ein angehender Profispieler, steht kurz vor seinem Wechsel in die schwedische Profiliga, während er gleichzeitig seine Lehramtsausbildung vorantreibt. Sein Bruder Elia spielt bereits seine zweite Saison beim⁠GCZ-Unihockey⁠ in der NLA und absolviert eine KV-Ausbildung.In der vergangenen Saison musste sich das GCZ-Team im Halbfinale gegen Zug geschlagen geben, trotz eines starken Einsatzes. Dennoch können die Seiler-Brüder und das Team stolz auf ihre Leistungen zurückblicken.Die Zukunft verspricht weiterhin Erfolg für Noël und Elia, sowohl auf dem Spielfeld als auch im Beruf. Ihr Engagement zeigt, dass sie bereit sind, die Herausforderungen anzunehmen und ihren Weg zu gehen. Hier findest du den GCZ-Podcast Sächsfoif auf⁠Instagram ⁠, wir freuen uns über deine Rückmeldung. Hopp GCZ!

Im GCZ-Podcast Sächsfoif  gahts um d Krise bim GCZ und de Start vom neue Trainer Peter Zeidler. Er setzt voll uf Teamgeist, Energie und Kampf im Abstiegskampf. De Sportchef Alain Sutter gseht ihn als wichtigi und emotionali Figur für d Mannschaft.Thematisiert wird au de Tod vom Nachwuchstrainer Franco Marzullo sowie d 0:2-Niederlag gege Servette mit de Rote Charte, em Eigegoal und de wiederholende Enttüüschig. Zusätzlich wachst de Frust vo de Fans gege de LAFC und d Clubfüehrig. Offe bliibt au no d Frag nach eme Stadion für e möglichi Barrage.Viel Spass bim ahlose und Hopp GCZ!#FirstClubInTown #GCIschZüri #Sächsfoif

Im Sächsfoif GCZ-Fan-Podcast mitem Luca und em Stephan gahts um die Theme: D Sieger vom Grasshopper Cup stönnd fest, mir fiired de Event nomal im Podcast nah. D GCZ-Fraue verlüred s AWSL-Viertelfinal-Hispiel im Letzigrund gege de FC mit 0:2 und stönd vor ere schwierige aber machbare Uusgangslag. Verpass das Spiel nöd und hol dir jetzt d Tickets unter dem Link. Im Fanumfeld gits News, GC Züri-Legende Richard Nuñez isch neu bim offizielle Fanclub The Unbroken 1886 debi. Jetzt chasch du au Mitglied werde unter dem Link. De ehemalig GCZ-Leihspieler Bara Sapoko Ndiaye het sis Startelfdebüt für Bayern Münche gäh, uswärts gege Mainz ih de Mewa Arena, im linke Mittelfeld. Sportlich verlürt GC Züri im Letzi gege Luzern mit 1:2: Nach ere 1:0-Füehrig dur de Hassane ih de 37. Minute verpasst Züri d Entscheidig, bevor Luzern nach de Pause mit em Joker Spadanuda s Spiel dreht. De echti Stadtclub findet kei Reaktion meh und bliibt im Abstiegskampf unter Druck. Zuesätzlich sorgt ih de Kurve s Banner gege d Füehrig für Diskussione.Bitte entschuldiged d Audioproblem während de Episode.Viel Spass und Hopp GCZ!#FirstClubInTown #GCIschZüri #Sächsfoif

Kollaps im Cup-Halbfinal, Derbyfieber ide Playoffs und Weltklass-Squash im Zürcher HB. Mir reded über de Grasshopper Cup im HB (21.–26. April), wo Stars wie Diego Elias und Karim Gawad uf höchstem Niveau spieled und Squash z mitzt ih eusi Stadt bringed. Hol dir jetzt d Tickets für de Grasshopper Cup unter dem Link. Denn d Jenny Dürst: en härte Weg uf de ITF-Tour, viel Reis, Verletzige und trotzdem klari Ziele im Spitzesport mit GC Tennis. Im Frauefussball staht GC Züri ih de Playoffs gege de FC im Derby, alles oder nüt ih zwei Spiel. Verpass uf kein Fall s Rückspiel und unterstütz GC Züri gege de FC, da findsch de Link für d Tickets vo blauwiss. Und zum Schluss de Cup-Halbfinal gege Lausanne-Ouchy: GC Züri dominiert Phasewiis, verpasst aber s Goal und bricht nach em Rückstand ih, verdient 0:2 am Schluss.#FirstClubInTown #GCIschZüri #Sächsfoif