Sächsfoif - De Fan-Podcast vom GCZ

Pflichtsieg in Cham! GC Züri günnt mit 1:2 gege d Zuger und staht im Cup-Viertelfinal. Im GCZ-Podcast Sächsfoif redemer über de Match, über s Cup-Feeling und Servette Genf. Viel Spass und Hopp GC Züri!#DeEchtiStadtclub #FirstClubInTown #GCIschZüri

Im 100-Jahr ihgmietete Rosthuufe startet Züri mit Druck is Stadtderby: höchs Pressing, klari Chance und en aktive Ufritt präged die erst Halbziit. De Muci und de Diaby chömmed mehrmals gföhrlich zum Abschluss, doch de Ball wett nöd is Netz. Nachere unglückliche Defensivaktion dur en Eckball isch s 0:1 für de FC gfalle, en Rückstand, wo am Spielverlauf nöd entsproche het.Nach de Pause verlürt GC Züri ah Tempo und Durchschlagschraft. Trotz de offensive Wechsel blibt die erhoffti Reaktion im Exil us, und bis uf en harmlose Chopfball vom Zvonarek wird s Goal vom gegner chuum meh ernsthaft prüeft. D Partie endet 0:1, obwohl de Stolz vo Züri insgesamt viel investiert hätt ih de Match.Nach em Schlusspfiff chunnts no zu hitzige Szene: Zwei FC-Spieler flüged vom Platz, Euse Clemente gseht die gel Charte.Ih dere Episode vom GCZ-Podcast Sächsfoif redemer über s Spiel, sehr intensiv - Wie au über d Schwäche und Kritikpünkt und em Sächsfoif Man of the Match. Dezue hämmer no ufs Fotografe-Thema ufmerksam gmacht, wie au uf de Usblick vo de nögste Spiel.Chlini Info zu de Fotografe-Thematik: Wie ih de Episode erwähnt wemmer niemert demit persönlich ahgriffe nur eusi Meinig mitteile vo dem wo mir mitübercho hennd, us dem Grund hännd mir au kei Näme gnennt. Danke fürs Verständnis.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif, redemer gmeinsam mitem Othmar vom GC-Radio 86-Live, über de Schwiizer Klassiker.D Zürcher Grasshoppers trenned sich vor fast 8'000 Zueschauerinne und Zueschauer mit 1:1 gege de FC Basel. Usschlaggebend für de Punktgwünn: Neuzuegang Ullmann us Östrrich. Mir reded im Podcast über de Spielverlauf, über d Highlights (inklusive 3 roti Charte!?) und über s kommende Stadtzürcher Derby.Viel Spass und Hopp GC Züri!S Telegramm:Grasshopper Club Zürich – FC Basel 1893 1:1 (1:1)
Letzigrund – 7’900 Zueschauer – SR Luca Piccolo
Goal: 13. Ullmann 1:0 (Muci), 34. Traoré 1:1 (Shaqiri)GC Züri: Hammel; Abels, Diaby, Stroscio; Marques, Zvonarek, Meyer (62. Mantini), Ullmann (77. Arigoni); Clemente, Muci, Diarrassouba (62. Krasniqi)BAS: Hitz; Tsunemoto (92. Soticek), Barisic, Daniliuc, Schmid; Leroy, Bacanin; Salah (59. Agbonifo), Shaqiri (66. Koindredi), Traoré (59. Otele); Broschinski (46. Ajeti).Bemerkig: Züri ohni Hassane (gsperrt), Abrashi, Bettkober, Giandomenico, Jensen, Lee, Paloschi, Verón Lupi (alli verletzt) und Plange (krank). BAS ohni em Do Nascimento, und Metinho (beidi gsperrt). Gel-Rot: 64. Bacanin (Foul), 74. Marques (Foul), 90. Stroscio (Foul)Verwarnig: 44. Marques (Foul), 61. Bacanin (Foul), 63. Stroscio (Foul), 82. Arigoni (Foul)#DeEchtiStadtclub #FirstClubInTown #GCIschZüri

Usem GC-Buech verzellemer eu hüt d Gschicht vom Alfred Dürler.De Alfred isch in Moskau uf d Welt cho, aber so richtig gross worde isch er in Züri.Sin Lebesweg chan eh grossi Inspiration sii für Lüt mit verruckte Träum si, darum gahts ih dere Episode ganz um Ihn.Hol dir jetzt s GC-Buech und verpasst die Gschichte nöd.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif, redemer über de GC-Forum mitem GC Züri Cheftrainer Gerald Scheiblehner. Wie ischs für Ihn gsi vo Östrrich id Schwiiz zieh? Wie isch sin Start gsi, wie het er sich ihglet und wie schätzt er d Situation ih? Die Theme wie au de Veron Lupi, s Sytem und de Nati-Spieler Tim Meyer werded ih dere Episode ahgsproche.Viel Spass und Hopp GC Züri!#DeEchtiStadtclub #FirstClubInTown #GCIschZüri

Endlich! GC Züri günnt churz vor Schluss gege WIN mit 0:1! Es isch de Muci gsi, d Stadtzürcher ide 90+2 befreit und is Glück schüsst. Im GCZ-Podcast Sächsfoif analysieremer s Spiel vo GC Züri und befassed eus ebefalls mitem Heimteam. Viel Spass und Hopp GC Züri!#DeEchtiStadtclub #FirstClubInTown #GCIschZüri

Never-Ending Story: S Hardturm-Stadion für Züri verzögered sich wiiterhin und d Rekurente ziehnd vor s Bundesgricht. Mir reded ih dere Episode vom GCZ-Podcast Sächsfoif über die aktuelle News, über d Lüüt wo dehinder stecked und lueged vorwärts uf s Spiel gege WIN.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ide Innerschwiiz gaht de Grasshopper Club Züri ohni Pünkt und und ere 0:6 Klatsche hei.Direkt nachem Spiel hemmer die zum Glück nur 90 Minute under d Lupe gno. Mir sind hässig, mir sind frustriert, eus fehled d Wort. Jedoch mümmer Wort zunend bringe und zu de Leistig wo mer ufem Platz zeigt hett. Eusere Meinig nah liiht s Problem nöd eifach ah de Spieler, sondern am ganze System vo dem Konstrukt.Bitte entschduldiged de Usfall vom Stephan sim Mikrofon am Afang.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif thematisierem s 3:3 am vergangene Dunnstig zwüsched GC Züri gege YB, wie au s Derby GC Amicitia Züri gege Yellow Winterthur, euses Erlebnis mitem Erich Vogel und reded über d GCZ-Fan Reaktione zu Blue Sport.Viel Spass und Hopp GC Züri!#DeEchtiStadtclub #FirstClubInTown #GCIschZüri

GC Züri verlürt in SG klar mit 5:0. Eh verdienti Niederlage und im GCZ-Podcast Sächsfoif redemer drüber und gönnd d Szene nomal ih. Eh Therapiestund wo eus wieder zrugg id Realität holt. Viel Spass und Hopp GC Züri!#DeEchtiStadtclub #FirstClubInTown #GCIschZüri

Es isch nöd eifach gsi, trotz dere grosse Euphorie nachem Derbysieg verlürt GC Züri gege de FC Sion mit 0:1.Guet 80 Minute het blauwiss mit 10 Spieler müsse uuscho, da de Verteidiger Saulo Decarli rot kassiert het. Im GCZ-Podcast Sächsfoif redemer wie gwohnt über de Spielverlauf und d Schlüsselszene.Doch au im Basketball gahts zue und her, ufem Feld isch GC Züri z Oerlike am vergangene Wuchenend erfolgrich gsi. Absits vom Feld wird wohl eigewillig ghandlet, denn d Zürcher Basketballer spieled nümme in blauwiss. In London hämmer eh ufregendi Begegnig gha: Euse GCZ-Host hätt d Spieler Plange und Veron Lupi troffe, de Argentinier verzellt wieso er wüki nöd spielt.Nöd verpasse und jetzt innelose, ih die neusti Episode vo dim GCZ-Podcast.Viel Spass und Hopp GC Züri!#DeEchtiStadtclub #FirstClubInTown #GCIschZüri

"GC Züri isch eh Familie!"Ih de neuste Episode vom GCZ-Podcast Sächsfoif treffemer uf zwei Spielerinne, wo Landhockey im Herze und Liideschaft im Blut hännd: D Tanja Landtwing und d Emily Esser. Sie reded drüber, wer sie wüki abseits vom Feld sind, wie alles mit em erste Schläger agfange hätt und warum Landhockey für sie meh als nur Sport isch, sogar fast scho Magie. Gmeinsam blickemer uf ihri Persönlichkeite, prägende Moment vo Erfolg und Rückschläg und erfahred, was Teamgeist, Vertraue und Fründschaft für sie bedütet. Und natürlich: welli bsunderi Rolle de Grasshopper Club Züri ih ihrem Lebe spielt.Nöd verpasse: Folg de Instagram-Konte Vo GC-Landhockey und verpass kei Neuigkeite meh.Die Episode isch am 15. September 2025 ufgnoh worde. De Stephan isch bi dere Episode vercheltet gsi und hätt nöd chönne aktiv teilneh.Viel Spass und Hopp GC Zuri!#DeEchtiStadtclub #FirstClubInTown #GCIschZüri

Machtdemonstration! Im 291. Zürcherderby günnt GC Züri mit 3:0 gege de FC. Ih dere Spielanalyse redemer nomal intensiv über de Spieltag, bespreched d Schlüsselszene und fiiret nomal d Nummere 1 vo eusere Stadt. Dezue besprechemer au de Uftritt vo de GC Fraue im Letzigrund gege Ajax Amsterdam ih de 2. Rundi vom UEFA Europa Cup. Au vom Hardturm gits News: D Rekurs sind abgschmetteret worde und jetzt chammer endlich baue, oder?Nöd verpasse und jetzt innelose, ih die neusti Episode vo dim GCZ-Podcast.Viel Spass und Hopp GC Züri!#DeEchtiStadtclub #FirstClubInTown #GCIschZüri

Mit 2:1 und eim Maa weniger verlürt de Grasshopper Club Züri uswärts im Tessin. Im GC Züri-Podcast Sächsfoif befassemer eus mitem Spiel im Tessin, reded wie gwohnt über d Schlüsselszene und de Spielverlauf. Zudem teilemer mit dir, was eus no beschäftigt, nämlich die gross ahkündeti Zemmearbet mit 11 Teamsports, wo fast kei Artikel bechunnt (oder besser gseit gar kei) vom Grasshopper Club Züri.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih de hütige Episode vom GCZ-Podcast Sächsfoif sind zwei Handballerine z Gast, mit de Helen und de Mailee redemer nöd nur wie sie uf de Handball ufmerksam cho sind, sondern au über anderi GCZ-Sektione und natürlich de Fuessball. Welle Ort isch für Sie d Heimat? und warum söttsch au DU sie unterstütze ide Saalsporthalle ide European League? Das erfahrsch ih de Episode.Bitte entschuldiged d Audioqualität, will nöd alli es Mikrofon gha hännd. Viel Spass und Hopp GC Züri!#DeEchtiStadtclub #FirstClubInTown #GCIschZüri

Mit Ach und Krach chammer scho fast sege, spielt sich de Grasshopper Club Züri in Cup-Achtelfinal. Im Tessin bim AC Bellinzona günnt GC Züri mit 0:1 und spielt im Dezember uswärts bim SC Cham.Ih dere Spielanalyse redemer usfüehrlich über de Cupfight wie auf über die kommendi Europa-Cup Qualifikation gege Ajax Amsterdam.Viel Spass und Hopp GC Zuri!#DeEchtiStadtclub #FirstClubInTown #GCIschZüri

Am vergangene Wuchenend ischs endlich sowit gsi: GC Züri günnt zum erste Mal ih dere Saison, das mit 3:1 gege LS. Mir befassed eus mitem Spiel und gönnd uf d Schlüsselszene ih.Doch au d GC Fraue sind am Dunnstig zum zweite Mal erfolgrich im Ihsatz gstande, mit 3:1 günned d Zürcherinne im Rückspiel vom Europa Cup in Kasachstan, und erwartet en spannende Gegner für ih de zweite Rundi.Viel Spass und Hopp GC Zuri!#DeEchtiStadtclub #FirstClubInTown #GCIschZüri

Am gestrige Mittwuch Abig hennd eusi GC Fraue gege BIIK-Shymkent im Stadion Letzigrund gspielt gha. Eh bsunders Ereigniss da s Spiel für d Zürcherinne s erste gsi isch, im neu gründete UEFA Women's Europa Cup. Grad mit 2:0 günnt de Grasshopper Club Züri gege d Kasache und zweimal trifft die 19-jährigi Janina Egli. Im GCZ-Podcast Sächsfoif redemer z dritte über s Spiel, nehmeds unter Lupe, reded über de Spieltag an sich und aktuelli Theme rund um de Grasshopper Club Züri. Da gahts zum Spiel vo de GC Fraue gege Shymkent zum nomal ahluege.Viel Spass und Hopp GC Züri!Bildquelle: GC Züri Fraue#DeEchtiStadtclub #FirstClubInTown #GCIschZüri

Ih de neue GCZ-Podcast-Episode redet d Sara Elliscasis, Mitglied, und de Christian Elliscasis, Präsident vom GC Business Club, über ihri Faszination für GC Züri, wo bi de Sara miteme GC-Pyjama und ihre Junioreziit bis zu de U18 agfange hätt und bim Christian scho als Achtjährige dur sini Nachbere gweckt worde isch, inklusive enere unvergessliche Begegnig mitem Podcast-Gast und Legende Roger Berbig. Sie verzelled, welli Mensche sie im GC-Umfeld am meiste beeidruckt hännd, wie de Business Club ufbaut isch, warum er kein typische „Cüpli-Club“ isch und für was er au wüki staht. Dezue gits au no Ihblick ih bsunderi Erinnerige, spannendi Erlebniss, de glebti Bezug zu de Tradition und d Frage, wie de Club Mitglieder günnt und wieso au Fans Teil devo si söttet. Innelose lohnt sich für alli, wo de Spirit vo GC und de viellicht transparentisti Business Club nächer kennelerne wännd.Wettsch au Teil vo de Familie werde? Denn meld dich doch da bim GC Business ClubÜbrigens findsch da de GC Business Club uf Linkedin und au uf Instagram - nöd z vergesse abonniere und herzliche Dank für eui Unterstützig.Viel Spass und Hopp GC Züri!#DeEchtiStadtclub #FirstClubInTown #GCIschZüri

Nachem 1:1 zwüsched em Grasshopper Club Züri uswärts in Thun, wartet d Spielanalyse. Ih dere Episode redemer intensiv über de Spielverlauf und nehmed d Situatione gnau unter d Lupe. Nebedem Match redemer au über de Deadline-Day, welle Transfer hett eus am meiste überrascht oder gfreut? und geg welles Team spieled eusi GC Fraue im neugründete Europa Cup? Das und no vielmeh ih de Episode 212.Viel Spass und Hopp GC Züri!Da gahts zum Instagram-Kanal vom GCZ-Podcast Sächsfoif#DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif redemer über s 2:2 vo GC Züri gege WIN, es Kantonsderby voller Emotione, Füehrigswechsel und verpasste Chance, sowie de souveräni 2:0-Sieg vo de GCZ-Fraue im erste Saisonspiel gege Rapperswil-Jona, wo d Effizienz und de Teamgeist de Unterschied gmacht hännd.Viel Spass und Hopp GC Züri!#DeEchtiStadtclub #FirstClubInTown #GCIschZüri

Vom legendäre Hardturm bis hüt ah d Sitelinie: De Roland Schwegler nimmt eus mit uf e Reis dur sini Profi-Karriere und Trainerlaufbahn. Er verzellt vo de magische Momänt bim GCZ, wo er fast 10 Jahr verbracht hätt, vo Cup-Drame, prägende Mitspieler und vom Schritt vom Spielfeld in Richtig Trainerrolle. Was het Profifuessball für ihn bedütet, wie het er de Übergang gschafft und wo gseht er sich in Zuekunft? Es Gspröch voller Liideschaft, Nostalgie und spannende Iiblick i d Welt hinderem Sportler und Mensch Roland Schwegler.Viel Spass und Hopp GC Züri!Da gahts zum ⁠GC Amicitia Züri-Sponsorelauf vo de Maria, ⁠viele Dank für eui Unterstützig.#DeEchtiStadtclub #FirstClubInTown #GCIschZüri

Da gahts zum GC Amicitia Züri-Sponsorelauf vo de Maria, viele Dank für eui Unterstützig. Ide hütige Episode vom GCZ-Podcast Sächsfoif, Vo Fans für Fans - Redemer über s Spiel zwüsched Lache/Altedorf und em Grasshopper Club Züri. D Stadtzürcher setzed sich mit 0:2 dure im Kanton Schwyz und stönnd ih de 2. Rundi vom Schwiizer Cup.Dezue redemer nöd nur über s Cupspiel vom GCZ, sondern au über d Transfers, d Thematik vom Eman Košpo, wo sich für d bosnischi Nationalmannschaft entschiede het, die aktuelli Situation vo blauwiss und de Usblick uf s nögste SpielViel Spass und Hopp GC Züri!#DeEchtiStadtclub #FirstClubInTown #GCIschZüri

De Christoph Urech redet im GCZ-Podcast über die neui GCZ-StrategieSit churzem isch de Christoph Urech Teil vo de neue GCZ-Füehrig, Ih dere Episode redet er unteranderem über die drü zentrale Eggpfiiler vom Neustart: wirtschaftliche Wachstum, klari Strukture und kulturelli Identität.Er git exklusivi Ihblick ih bevorstehende Sponsoredeals, erklärt, warum s Logo und d Hymne wieder wichtiger werded, und stellt eh erfahreni Persönlichkeit vor, wo neu de Sponsoring- und Umsatzberich übernimmt. Aber das isch no lang nonig alles: Wie isch er mitem GCZ in Verbindig cho, was bedütet Ihm de Club und was will er umsetze?Alles mitem Ziel, de GCZ wirtschaftlich z stärche, kulturell neu belebe und kommunikativ nöcher ad Fans und Partner z cho.Viel Spass bim ahlose und Hopp GC Züri!Bitte entschuldiged d Audioqualität, die Episode isch per Videoahruef ufgnoh worde und darum hännd nöd alli die technische Möglichkeite gha wie gwohnt.#DeEchtiStadtclub #FirstClubInTown #GClschZüri

GC Züri verlürt au im zweite Saisonspiel knapp mit 1:2 in Basel. De FCB startet druckvoll und gaht churz vor de Pause in Füehrig, trotz de umstrittene Zweikampfszene. Nachem Usglich dur de Paskotsi per Chopf reagiert Basel prompt: De Otele chöpft s 2:1. Züri kämpft bis am Schluss, bliebt aber ohni Punkt.Ih dere GCZ-Spielanalyse redemer über de Spieltag, d Fans, d Wetterbedingige und bespreched was guet gsi isch und was sich muss verbessere.Folg jetzt am GCZ-Podcast Sächsfoif uf Instagram um nüt meh z verpasse. Bildquelle: Mike WissViel Spass bim ahlose und Hopp GC Züri!#DeEchtiStadtclub #FirstClubInTown #GClschZüri

Ih de Episode #204 vom GCZ-Podcast Sächsfoif hämmer de Christian Jungen dörfe begrüesse, de Direktor und neu Mitinhaber vom Zurich Film Festival. Mit ihm redemer über sini Rolle hinter de Kulisse, wie's zu de Mitübernahm cho isch und wenn eus s nögste ZFF erwartet.Nachher nehmemer de GCZ unter d Lupe: D Lag bim Klub, D Sterne wie au s Stadionerlebnis und en Blick aufs Spiel gege Basel. Es wird filmisch, fuessballerisch und offe.Herzlichi Gratulation an Christian Jungen, de GCZ-Podcast wünscht Ihm viel Erfolg mit sim Unternehme!Bitte entschuldiged d Audio vo de beide Hosts, leider isch d Ufnahm per Handy erfolgt und nöd wie bim Gast per Mikrofon.Bildquelle: ZFFViel Spass bim ahlose und Hopp GC Züri!

De ersti Spieltag vo de Super League Saison 25/26 isch absolviert worde. Mir analysiered im GCZ-Podcast s erste Spiel vom Grasshopper Club Züri gege de FC Luzern, im Stadion Letzigrund in Züri. GC Zürich vs FC Luzern 2:3: Bitteri Heimpremiere trotz zweimalige Füehrig.Zum Start vo de neue Super-League-Saison liefered de Grasshopper Club Zürich im Letzigrund es packends Spiel, mit eme enttüschende Endi. Trotz zweimalige Füehrig unterliiht de echti Club vo de Stadt Züri Luzern mit 2:3. Bsunder schmerzhaft: En 18-jährige Debütant wird zum Matchwinner für d Gäst.Was isch guet gloffe?, was muss besser werde? Und was bedütet das für s schwere Uswärtsspiel bim Meister FC Basel? Alli Antworte und Analyse gits ih dere Episode! D Fanmeinige us de Community sind eus leider untergange und werded uf jedefall no nahgholt, viele Dank fürs Verständnis.Viel Spass bim ahlose und Hopp GC Züri!#DeEchtiStadtclub #FirstClubInTown #GClschZüri

GC Züri hett zur Pressekonferenz ihglade und thematisiert mitem Cheftrainer und em Sportchef s erste Saisonspiel vo de Super League, zwüsched em Grasshopper Club Züri gege de FC Luzern. S Spiel findet de Samstig am 18:00 statt im Stadion Letzigrund.S Video isch direkt veröffentlicht worde, us dem Grund isch s Intro und Outro nöd debi.Bild- und Videoquelle: GCZViel Spass bim ahlose und Hopp GC Züri!#FirstClubInTown #GClschZüri #GClschZüri

De Podcast-Stammgast Yannick Echave (GCZ-Beachsoccer) isch wieder z Gast gsi, mir thematisiered debi de Heimevent vo de Beachsoccer Sektion vom Grasshopper Club Züri.De Samstig und Sunntig am 27. Juli bis am 28. Juli findet die Spiel statt, eh grosses Happening mit Foodtruck, DJ’s und es Erlebnis für die ganz Familie.Wo staht er mit sim Team? Verfolgt er während sinere Saison au d Fraue EM ih de Schwiiz? Das und viel meh ghörsch ih dere Episode Sächsfoif.Bitte entschuldiged d Audioqualität leider het s Tool nöd wie gwohnt funktioniert und hennd d Episode über Microsoft Teams ufgnoh.Viel Spass bim ahlose und Hopp GC Züri!#FirstClubInTown #GClschZüri #GClschZüri

Viel Glanz ufem GC/Campus: London trifft uf Züri.Zur Vorbereitig vo de neue Saison trifft GC Züri uf West Ham United, West Ham reist mit grossem Staff und Topstars ah und schücht nöd zrugg, au was d Präsentation ahbelangt vom neue Libli. GC Züri erstrahlt mitem neue Trikotsponsor „ELCA“, treit debi aber nonig die neue Libli - Die chömmed bald. Nacheme umkämpfte Spiel muss sich de GCZ mit 1:3 gschlage geh, mir reded intensiv über s Spiel und für eus isch klar, wer Man of the Match worde isch in blauwiss. Am vergangene Wuchenend isch ebefalls GCZ-Fanturnier ahgstande, wie s GCZ-Podcast-Team abgschlosse hett erfahsch ih dere Episode.Viel Spass bim ahlose und Hopp GC Züri!#FirstClubInTown #GClschZüri #GClschZüri

Am hütige 16. Juli hätt GC Züri gege de Challenge League Ufstieger Rapperswil-Jona gspielt gha. Im GC Campus setzt sich de erst Club vo de Stadt mit 2:1 dure und günnt s Testspiel.Viel Spieler sind zum Ihsatz cho und hennd sich für blauwiss (hüt usnahmswiis in Orange) dörfe zeige, mir reded über d Testspieler, die neue Junge und ob das so überhaupt langet für d Super League.Viel Spass bim ahlose und Hopp GC Züri!#FirstClubInTown #GClschZüri

Was passiert wüki hinter de Kulisse vom neue GCZ-Stadion uf em Hardturm-Areal? Bim dritte GC Züri-Forum im Zürcher «Karl der Grosse» gebed d Projektverantwortliche vo de HRS Real Estate exklusivi Ihblick ih de aktuelli Stand vo de Planig. Wie gseht s Stadion künftig us? Welli Hürde stönnd no im Weg? Und wänn chan endlich baut werde?Ih dere Spezialepisode redemer im GCZ-Podcast Sächsfoif übers Projekt «Ensemble», wo nebem Stadion au Wohnruum für 1500 Mensche schaffe sött – zwüsched Vision, Verzögerige und Verwaltigsgricht.Da gahts zum Instagram-Kanal vom GCZ-Podcast Sächsfoif.Viel Spass bim ahlose und Hopp GC Züri!#FirstClubInTown #GClschZüri

Nach soviel Jahre gits endlich en neue Hauptsposnor bim GCZ: D IT-Firma ELCA wird neue Partner vom GCZ und es git witeri News bim Rekordmeister:Saisoneröffnigsevent staht vor de Tür, das natürlich z mitzt ide Stadt wie au d Infoverahstaltig zum Hardturmprojekt.Wer steckt jetzt hinterem Deal? Schwierig z sege, aber sit de CBO Urech bim GCZ isch het sich wies usgseht öpis da, mal luege was no uf eus zuechunnt.Nöd vergesse: Jetzt s Saisonabo hole unter dem Link.Viel Spass bim ahlose und Hopp GC Züri!#FirstClubInTown #GClschZüri

Zum Start vo de EM 2025 tauchemer ih die ersti Frage und Antwort-Episode vom GCZ-Podcast Sächsfoif. Mir reded über eui Frage wo ihr eus gstellt hännd via Instagram über eus persönlich über de Podcast und über de Grasshopper Club Züri.Doch nöd nur das isch hüt Inhalt vo dere Episode, sondern au s neue GCZ Saisonabo 25/26. Nämlich chunnt en Überrschigsgast in Podcast, de GCZ-Fan Alex verzellt sini GCZ-Gschicht und warum genau DU jetzt dis Abo söttsch hole bim Rekordmeister. Blieb dra bis zum Schluss denn es git eh grosses Gwünnspiel!Viel Spass bim ahlose und Hopp GC Züri!#FirstClubInTown #GClschZüri

Vor einere Wuche sind mir vom GCZ-Podcast Sächsfoif z Gast gsi bi Zweikampf, em Fuessball-Podcast us Aarau. Debi hämmer intensiv über de Grasshopper Club Züri gredet gha, wieso wird mer GCZ-Fan? Wie gahts nögst Saison wiiter? Das und viel meh spannendi Theme gits ih de nögste 90 Minute. Viel Spass bim ahlose und Hopp GC Züri!#FirstClubInTown #GClschZüri

De Johann Vogel ghört zu de ganz Grosse vom Schwiizer Fuessball. Vom FC Meyrin zu de Stadtzürcher Grasshoppers, wo er 3x Meister worde isch, füehrt ihn sin Weg zu PSV Eindhoven. 4 Meistertitel und en Pokalsieg unter em Trainer Guus Hiddink spreched definitiv für sich. Aber de Weg isch härt gsi: Als junge Spieler het er sich wegem Christian Gross ih sim Chinderzimmer ihgsperrt und brüellt, bim erste Uslandswechsel isch sini Ex-Frau hochschwanger gsi. De Druck isch enorm gsi. Bi AC Milan hätt er mit Weltstars gspielt, det isch ihm s Zämmespiel teils vorcho wie eh Symphonie.Mit 94 Länderspiel, de Captainbinde und Ihsätz ah EM und WM hätt er d Schwiizer Nati prägt. Bis vor churzem hätt er de FC Naters trainier und git sini Erfahrige witer.Es Gspröch über Druck, Disziplin und de Weg ganz nach obe. Viel Spass und Hopp GCZ!#FirstClubInTown #GClschZüri

Ih wenige Wuche fangt d Super League Saison 25/26 ah, doch gross kommuniziert de Stadtclub us Züri nonig.Wie gseht s aktuelle Kader us vorem Transfermarkt? Wer bliebt und wer muss gah? Mir reded drüber ih dere Episode vom GCZ-Podcast Sächsfoif, Vo Fans für Fans.Viel Spass bim ahlose und Hopp GC Züri!#FirstClubInTown #GClschZüri

Wie chunnt en schwedische Fuessballer zum Grasshopper Club Züri? Was isch s Erfolgsgheimnis vo de glorriche GCZ-Jahr – und stimmt s wüki, dass er im Derby em gegnerische Goalie de Arm broche hätt? De Mats Gren redet mit eus über sini Ziit bim GCZ, de Mythos Hardturm, Schwiizer Fuessball damals und hüt und ob er sich es Comeback bim Stadtclub us Züri vorstelle chann.Eh Folg für alli, wo de GCZ im Herze träged und ehrlichi Ihblick us erster Hand liebed.Viele Dank an GCZ-Fan Kevin, er het eus die Episode organisiert gha und mitem Mats als ersts Kontakt ufgnoh.Viel Spass bim ahlose und Hopp GC Züri!#FirstClubInTown #GClschZüri

Wie mir bereits vorab erfahre hend, hätt de GCZ ihglade zu de Mediekonferenz ade Schifflände in Züri, debi sind mehreri Mediehüüser vertrete worde und live debi gsi.De GCZ-Podcast Sächsfoif analysiert d Konferenz, was guet gsi isch und wo mir no bedenke gsehnd. Da gahts zum Tele Top TV-Bitrag: https://www.toponline.ch/news/2085741Da gahts zu de Mediekonferenz vo Keystone: https://www.youtube.com/watch?v=wFSPeTDEP5kMir freued eus über dini Rückmeldig und Hopp GCZ!Bildquelle: Keystone

Pflicht erfüllt: De GCZ verlürt im Brügglifeld mit 1:0 und chan somit d Klass hebe. Dank em 4:0 im Heimspiel z Lugano isch d Situation klar. Mir lönnd s Spiel nomal Revue passiere und mached en ganz churze Abstecher zum Cupfinal, zur Saison und ih die nöchi Zuekunft. Viele Dank hännder eus jewils begleitet dur d Analyse und Rückblick, au wenn d Saison verbi isch gahts witer mit wüchentliche Episode. Hopp GCZ!#GCIschZüri #FirstClubInTown

Gad mit 4:0 günnt de ersti Club vo de Stadt Züri gege AAR, hochverdient und souverän. Trotzdem dörfemer eus nöd us de Fassig bringe lah und konzentriered eus uf de Fritig, wo mir im schwierige Uswärtsspiel in Aarau ahwesend sind. Gmeinsam zum Ligaerhalt und wüsse wo Züri anneghört. Egal ob mit oder ohni Ticket, zämme is Brügglifeld!Zämme Uf Aarau, für eusi Liebi für GC Züri! #GClschZüri #FirstClubInTown

Nachem 2:0 Sieg gege SG gaht Züri gstärcht id Barrage, leider hemmer nöd chönne uf die andere Teams setze und hännds jetzt selber ih de Füess. Mir reded ih dere Episode über s Spiel und über d s "Heimspiel" in Lugano.Zämme is Tessin, zämme uf Aarau für eusi Liebi für GC Züri! #GClschZüri #FirstClubInTown

Es Wuchenend wie es Drehbuech – nur ohni Happy End. Ih dere Episode Sächsfoif nehmemer eu mit uf eh emotionali Achterbahnfahrt dur en ereignisriche Fuessballtag: D GCZ-Fraue schriebed Gschicht, liefered im Final gege YB es Spektakel für d Ewigkeit – Nervekitzel pur bis is Penaltyschüsse. Gänsehuut, Träne und vorallem Stolz.Und denn? Sion. D GCZ-Manne, 37. Spieltag, Druck, Pflichtsieg – aber statt Reaktion nur Resignation. Defensivi Ussetzer, offensivi Ideelosigkeit und en Gegner, wo eus ih vier Minute ufweckt, das mit zwei Goal.Mir analysiered beidi Spiel, reded über Fehlentscheidige, Frust-Rot, Fan-Pyro und drüber, was jetzt no blibt. Hoffnig oder nur Statistik?Eh Episode zwüsched Finalfieber und Abstiegssorge. Hopp GCZ! – Jetzt no meh denn je. #GCIschZüri #FirstClubInTown

Wichtige Sieg! Mir reded ih de hütige Episode über de Sieg im Abstiegskampf gege YS, dezue gahts au no um d News zum Giotto Morandi, em Best Player und em ehemalige Spieler Mergim Brahimi, wo sini Karriere beendet. Viel Spass und Hopp GCZ!#GClschZüri #FirstClubInTown

Bitteri Pille im Derby: De Rekordmeister us de Stadt verlürt gege de FC mit 3:0 und staht am Tabelleendi. Gits no Hoffnig für de ersti Club vo Züri? Mir reded drüber und analysiered d Situation. Eusi GC Züri Fraue sind im Ihsatz gsi gege YB, mir teiled eusi Ihdrück zum 1:0 Erfolg und wieso jede Fan vom GCZ is Wankdorf sött. Nebe dene Theme gits au no witere News und eh wichtigi Botschaft. Chlini Ahpassig: Luut fuessball chef blick isch de Stiel en stinkstiefel gsi wo nöd beliebt gsi isch, au nöd bim hammel. Und hätt am trainer dri gred, er verlaht GCZ nöd als goalitrainer. Die erst Mannschaft dörf nach Regelwerk ide Challenge League spiele und die 2. ide Promotion League.Merci für eues Verständnis. Viel Spass bim lose und Hopp GCZ! #FirstClubInTown #GCIschZüri

Ih de aktuelle Episode vom GCZ-Podcast #184 dreht sich alles um die hütige Entwicklige respektive News bim Grasshopper Club Züri. Im Mittelpunkt staht debi die überraschendi Rückkehr vom Alain Sutter, wo nach sächs erfolgriche Jahre als Sportdirektor bim FCSG jetzt die sportlich Leitig bi Züri übernimmt. De erst Stadtclub setzt grossi Hoffnige id Erfahrig vom Alain und sis breite Netzwerch – bsunders au im Hiblick uf de langfristig Ufbau vo de Mannschaft und d Sicherig vom Ligaerhalt.Mit em Ihstig vom Sutter tritt au en Füehrigswechsel im Club uf: D Amtsziit vom Stephan Schwarz als Sportchef endet. D Podcast-Episode belüchtet d Hintergründ vo dem Wechsel und mir diskutiered, welli Erwartige mit de neue sportliche Füehrig verbunde sind.Au bi de GCZ-Fraue gits erfreulichi News: S Team staht churz devor, de Meistertitel z günne. Mir belüchtet d Situation und welli Spiel ahstönnd.En witere Schwerpunkt liht uf em Rückblick vom Spiel gege de FC Winterthur. D Partie hätt mitere 0:2 Uswärtsniederlag für GCZ gendet, was Ahlass zu de kritische Betrachtig vo de aktuelle Form und Taktik git.Witeri Informatione zu de Ernennig vom Alain Sutter und de offizielle Stelligsnahm vom erste Club vo eusere Stadt findsch uf de Website vom Grasshopper Club Züri: ⁠Zur offiziellen Mitteilung⁠.Nöd vergesse: Am 10. Mai 2025 alli as Uswärtsderby und am 11. Mai zämme in Letzi für eusi Fraue für de Titel! Vamos GC Züri! #FirstClubInTown #GCIschZüri

Zämmestah und zämmehebe - Mir sind GC Züri!#FirstClubInTown #GCIschZüri

Mir reded ih dere Episode über de Meistertitel vo de ZSC Lions, s Interview vom Erich Vogel, eusi Emotione zu de aktuelle Lag vom GCZ und über d Motivation vo de Relegation Group. Viel Spass bim ahlose und Hopp GC Züri! #GCIschZüri Chline Fehler isch unterloffe: Mir hennd kein Usblick zu de Relegation Group, gmacht aber hoffentlich dich chli motiviert, zum ad d Spiel z gah vom GCZ.

Niederlag vo Züri gege de FC Winterthur ih de 33. RundiMit debi im Podcast isch de Jonas, vom Winti-Podcast Schützewiese, viele Dank!De Grasshopper Club Züri verlürt im Abstiegsduell gege de FC Winterthur mit 0:1 vorem heimische Ahang. Vor über 10'000 Fans verlauft die ersti Halbzit zäch, mit wenig Chance uf beide Site. Churz vor de Pause verpasst de Bojang die best GCZ-Möglichkeit.Nachem Sitewechsel trifft de Winti-Spieler Burkart früeh. De Stadtclub GCZ verpasst d Chance zum Usglich vom Punkt – Em Morandi sin Elfmeter wird vom Kapino ghebt. Trotz witere Diskussione um en mögliche Handelfmeter glingt GC Züri keis Goal. D Winterthurer zeiged sich effizienter und nehmed die 3 Pünkt mit. #GCIschZüri

D Stadtzürcher Grasshoppers holed im Waadtland gege Yverdon-Sport drü enorm wichtigi Pünkt im Abstiegskampf. Uf echt schwierigem Terrain isch GC Züri früeh dur de Paskotsi nacheme Eckball vom Morandi in Füehrig gange. Nachher isch de Dämpfer cho: De Ndenge hätt müsse verletzt usse, und churz druff hätt Yverdon per Elfmeter zum 1:1 usgliche.Ih de zweite Halbzit hätt euse Goali de Justin Hammel de GCZ mitere starche Parade im Spiel ghebt, bis de Joker Schürpf ih de 78. Minute per Chopf de Siegtreffer für de ersti Club vo de Stadt markiert hätt – Schowieder nacheme Standard vom Giotto Morandi. De Treffer isch direkt vor de mitgreiste GC Züri-Kurve gfalle und hätt für Ekstase gsorget.S nöchste Spiel findet am Samstig statt, 18:00 im Letzigrund gege WIN. Alle is Stadion für GC Züri! #GCIschZüri

Wie baut mer es Squash-Mekka im Züri HB? De Organisator Steve Buchli verzellts ih dere Episode!Was passiert wüki hinter de Kulisse vom viellicht spektakulärste Squash-Turniere in Europa? Ih dere Episode vom GCZ-Podcast Sächsfoif redemer mitem Steve Buchli, em OK-Präsident vom Grasshopper Cup. Er verzellt, wie usere Idee es grosses Sportevent worde isch – mit Chaos-Moment, grosse Visione und eme echte Community-Spirit.
Du chunnsch folgendes mit über:


Zämme mitem FCL-Podcaster Pirmin hämmer d Episode ufgnoh zum Spiel vo Züri gege Luzern. Starche Uftritt vo de Stadtzürcher Grasshoppers bim 3:1-Heimsieg gege de FC Luzern – Matchwinner isch de Adama Bojang miteme Hattrick.De GCZ hätt dominant is Spiel innegstartet, gaht früeh dur de Bojang in Füehrig und kontrolliert die ersti Halbzit. Luzern glicht nach de Pause churz us, doch de Bojang schlaht direkt zrugg und macht spöter per Chopf sin dritte Treffer klar.Viele Dank an Pirmin vom Blau ond Wiis-Podcast und wichtigi drü Pünkt im Abstiegskampf für d Zürcher. S 
nöchste Spiel staht vor de Tür: Samstig, 18:00 uswärts gege Yverdon. Alli uf Yverdon und Hopp GCZ! #GCIschZüri

Züri verlürt in Basel – Wieder kei Pünkt für de RekordmeisterAu ih de 30. CSSL-Rundi blibt GC Züri ohni Erfolg. Basel dominiert früeh und gaht dur de Schmid in Füehrig, bevor de Otele churz vor de Pause zum 2:0 troffe hett. De GCZ hätt zwar ih de zweite Halbzit meh Präsenz zeigt, chunnt aber nur dur de verwandleti Morandi-Elfmeter zum Ahschluss. Trotz aller Bemüehige isch es bi de 2:1-Niederlag bliebe. Die nöchst Chance uf Pünkt gits am Sunntig im Letzigrund gege de FC Luzern. #GCIschZüri

Gmeinsam simmer starch! – D Seniore-Teams vom Grasshopper Club ZüriIh dere Episode Sächsfoif tauchemer ih, ih die faszinierendi Welt vo de GC Züri Seniore-Teams! 3 Mannschafte – 30+, 40+ und 50+ – kämpfed mit Liideschaft um Titel und Anerkennig. Vo de epische Derby-Duell bis zu legendäre Spiel gege d Benfica Lissabon Legends – Da wird de Fuessball glebt! Wie schafft es Team gspickt us ehemalige Profis und engagierte Spieler, sich jewils ah de Tabellespitze z behaupte? Was tribt d Spieler ah, au mit über 50 no Wuche für Wuche uf em Platz z stah? Und welli grosse Ziel stönnd für d Zuekunft ah?Freu dich uf spannendi Ihblick, mitrissendi Gschichte und exklusivi Hintergrundinfos us em Herze vo de GCZ-Familie. Jetzt innelose und Hopp GC Züri! #GCIschZüri

NIEDERLAG IM DERBY – KLARTEXT IM GCZ-PODCASTGC Züri verlürt s Stadtderby gege de FC knapp mit 1:2. Trotz em Ahschluss vom Bojang hätts nöd für 3 Pünkt glanged. Bsunders bitter: En Last-Minute-Usglich hätt ih de Luft gläge, doch am Schluss hät s Glück vo de Stadtzürcher gfehlt.Mir münnd ih dere Episode sehr ehrlich sii – und das bedütet au härti Wort. Denn wemmer so Spiel verlürt, mummer d Sach au bim Name nenne. D GCZ-Fans sind de „MVP“ vo dem Spieltag und bsundere Dank, de grossartige Unterstützig und de tolle Arbet für die ufwändigi Choreo. Trotzdem: Mir gönnd witer uf Basel, will mir de Kampf ahneh münnd. Dunnstig, 20:30 – die nächsti Chance! #GCIschZüri

Es isch Derbyziit: GC Züri empfangt am Sunntig de Fuessballclub. Mir reded über s Derby, lueged zrugg uf die andere Begegnige und unterhaltet eus über Aktualitäte wie anderi Sektione und em Gschäftssitz. #GCIschZüri

Am Mentig 17. März 2025 hämmer d Zürcherin Janina Egli im Restaurant Heugümper bim Paradeplatz troffe und eus über Sie und de Grasshopper Club Züri unterhalte. Ih dere Episode vom GCZ-Podcast Sächsfoif redet d GCZ-Spielerin Janina Egli über ihre Weg zum Fuessball, ihri Statione bis zu GC Züri und ihri Erlebniss mit de Schwiizer Nati. Sie verzellt vo Herusforderige, peinliche Moment ufem Platz und ihre Ziel für d Zuekunft.Dezue gits spannendi Ihblick ih ihre Trainingsalltag und eh unterhaltsami Entweder-oder-Rundi mit mehrere Zürcher-Klassiker. Am Schluss verratet sie, welli Spielerin als nöchsts im Podcast sött debi si. Innelose lohnt sich! #GCIschZüri

Ih dere Episode Sächsfoif redemer mitem Levent Gülen über sini Karriere im Profifuessball. Us Pole am 16. März 2025 per Video zuegschalte verzellt er im GCZ-Podcast vo sine Ahfäng bi GC Züri, wo er insgesamt 49 Pflichtspiel für die erst Mannschaft vo Züri absolviert hätt, de prägende Moment ih de Schwiizer U21-Nationalmannschaft und sinere Stationen m Usland. Mir belüchtet d Herusforderige, wo er uf sim Weg hätt müsse meistere, sowie sini aktuelle Plän und Ziel für d Zuekunft. En spannende Ihblick is Lebe vomne Fuessballprofi, wo immer wieder neui Weg gaht. #GCIschZüri

Dragan Rapić – Vom Fuessball zum Fine DiningPodcast-Ablauf mitem Dragan Rapić:1.Intro & Gschicht vom Derbylibli2.Afäng & Werdegang 3.Sportlichi Karriere & Grasshopper Club Zürich 4.Wechsel ih d Gastronomie & Gründig vo roots 5.Unternehmertum & Zuekunft6.Abschluss & Fazit Ih dere Episode hämmer en ganz bsundere Gast: De Dragan Rapić – en Maa, wo weiss, wie mer günnt – ufem und au nebem Spielfeld. Am Samstig 15. Mörz 2024 hämmer de Dragan im Restaurant roots in Basel troffe und die gmeinsami Episode ufgnoh. Vom Sportchef bim Grasshopper Club Zürich bis zum Visionär hinter em roots, eim vo de wahrschinlich spannendste Gastronomiekonzept vo de Schwiiz – De Dragan Rapić hätt en beeidruckende Weg hinter sich. De Weg hätt scho als Jugendspieler bim FCB agfange, nachher hätt er d Karriere nach de Karriere vorhabracht, wo de Dragan Im Jahr 2008/2009 dur de Erich Vogel zum Stadtzürcher Rekordmeister gstosse isch. Doch wie schafft mer de Sprung vom Profifuessball ih d High-End-Gastronomie? Welli Parallele gits zwüsched em Fuessballverein und em Spitzerestaurant? Bildquelle: Digitale Massarbeit, Simon Kurt #GCIschZüri

Last-Minute-Usglich: GCZ vs SIO 1:1GC Züri und de FC Sion trenned sich ih de 28. Rundi vo de CSSL miteme 1:1. De Nikolas Muci rettet de Zürcher ih de 94. Minute en Punkt. Nachere ereigisreiiche erste Hälfti hätt de Kololli Sion per Freistoss in Füehrig bracht (45’+1). Ih de zweite Halbzit hätt Sion d Chance zum 2:0 vergäh, bevor de Numa Lavanchy nacheme Handspiel die rot Charte gseh hätt (68’). De erst Club vo de Stadt hätt uf de Usglich drängt, trifft zerst de Pfoste (86’), ehe de Muci ih de Nachspielzit zum verdiente 1:1 ignetzt hätt. Viel Pech und klars Chanceplus - Jetzt wüssemer wasmer chönnd besser mache. Nach de Länderspielpause staht s Stadtderby vor de Tür gege de FC (30. März, 16:30, Letzigrund). Chlini Ahpassig vo de Nachwuchsresultat:YB U16 3:5 GCZYB U17 1:5 GCZGCZ U19 1:2 YB#GCIschZüri

Ih dere Episode Sächsfoif, em GCZ-Podcast gahts um d Ihladig zu de 140. ordentliche Sektionsversammlig vom Grasshopper Club Züri. Die Versammlung hätt am Zistig, 11. März 2025 im Millers Studio in Zürich stattgfunde. Nach de offizielle Traktande, drunder d Gnehmigung vo de Jahresbricht und d Wahl vo de Delegierte, gits en Talk mit Exponente us em GCZ-Profifuessball sowie eh gmüetlichi Verchöstig. Mir redet mit em Beachsoccer-Captain vo GC Züri über die wichtigste Theme vo de Versammlig und was Mitglieder erwarte döffed. #GCIschZüri

Mit eusne St. Galler Kollege vom FCSG Fan-Podcast hämmer die Episode ade Zürcher Langstrass ufgnoh. Mir reded über d Traditione vo de beide Clubs, wie d Podcasts entstande sind und über s komplette Duell vom FC St. Galle gege GC Züri. Podcast-Ablauf Hörnli x Sächsfoif:-Churzinterview direkt nachem Spiel usem Extrazug-Begrüessig & Vorstellig -Persönlichi Fan-Gschichte, sportlichi Situation und Podcast-Entstehig -Spielanalyse: SG vs. GCZ -Blick ih d Zuekunft die Saison-Abschluss & VerabschiedigD Grasshoppers Züri bliebed ih de Ostschwiiz ohni Zählbares. Trotz enere engagierte Leistig münnd sich d Stadtzürcher em FC St. Galle mit 1:3 gschlage geh.D Zürcher sind zerst die aktiveri Mannschaft gsi, sind denn aber mit em erste St. Galler Goalschuss in Rückstand cho. Churz druff abe isch de nöchst Rückschlag cho: Captain Abrashi gseht ide 22. Minute rot.Trotzdem hätt de Rekordmeister GC Züri witerkämpft und ih de 32. Minute per Kittel-Elfmeter usgliche. Nach de Pause ischs en wiitere Strafstoss gsi wo d St. Galler wieder beflüglet hätt, bevor de Witzig miteme Traumgoal de Endstand besieglet hätt.Eusi Nummere 1 de Justin Hammel hätt schlimmers chönne verhindere, doch de ersti Stadtclub vo Züri isch in Unterzahl chancenlos bliebe. Nögst Wuche folgt s Spiel gege de FC Sion im Letzi, darum alli is Stadion! #GCIschZüri

GC Züri sorgt für eh Überraschig und schlaht de amtierendi Schwiizer Meister Young Boys mit 1:0. S goldige Goal schüsst de Sonny Kittel ih de 49. Minute miteme fulminante Volley, wo erst nach de VAR-Überprüefig anerkennt worde isch.Inere usglichene erste Halbzit hännd beidi Teams Halbchance verbuecht, doch weder de Fassnacht no de Bedia oder au de Sonny Kittel hännd de Bann chönne breche. Erst nach de Pause hätt s Spiel ah Intensität zuegnoh. De erst Club vo de Stadt Züri verwütscht de besseri Start ih die 2. Halbzit, hätt YB unter Druck gsetzt und belohnt sich mit em Füehrigstreffer gad selber. D Berner hännd miteme agressive Ahgriff gantwortet, aber schlussendlich sinds hangebliebe ah de vielbeinige Defensive vo de Zürcher und eusem Rückhalt em Justin Hammel.Inere hitzige Schlussphase hätt YB vehement uf de Usglich drängt, doch de Hammel rettet GC Züri ih de Nachspielzit mitere spektakuläre Parade gege de Camara. Miteme ufopferigsvolle Kampf sichered sich blauwiis 3 wichtigi Pünkt und blickt jetzt ufs Duell gege St. Galle am nöchste Weekend. #GCIschZüri

Trotz enere furiose Wendi dur en Bojang-Doppelpack muss sich Züri ih de 25. Runde vo de CSSL miteme Punkt begnüege. D Zürcher hännd s Spiel dreht nacheme früehe Rückstand, doch Lausanne hätt ih de Nachspielziit iischalt zrugggschlage – 2:2! Es packends Duell miteme bittere Endi für d Stadtzürcher Grasshoppers. #GCIschZüri

D Adelina Haegler-Rütschi, isch am 16. Mai 1871, uf d Welt cho also genau 15 Jahr 3 Mönet 16 Täg vor de Gründig vom Grasshopper Club Züri. Sie isch eh Zürcher Grafikerin gsi, wo ca. 1916 s Logo vom Grasshopper Club Zürich entworfe hätt. Das Logo, hätt us de inenand verschlungene wisse Buechstabe “G” und “C” uf blauem Hintegrund bestande, prägt bis hüt s Erschinigsbild vom erste Stadtclub. No churz zum familiäre: D Haegler-Rütschi hätt so au en nachhaltige Ihfluss uf d Identität vom Club. Sie isch d Tochter vom Ulrich Alfred Rütschi und de Elisabeth Ester Rütschi gsi. Ih dere Episode redemer über d Adelina wo bis hüt unvergesse bliebt und nöd die annerkennig übercho hätt wo sie verdient. #GCIschZüri

De Grasshopper Club Züri het müsse gege Servette eh bitteri Niederlag ihstecke. Debi het s Spiel für d Stadtzürcher vielversprechend agfange: Scho ih de 12. Minute hätt de Irankunda per Chopfball nur d Latte troffe, churz druff schiteret de Züri-Akteur wieder am Servette-Goalie Mall. Doch de GCZ bliebt drah – Ih de 23. Minute wird de Irankunda im Strafruum gfoult, und de Tsiy Ndenge verwandlet de Elfmeter iischalt zu de verdiente Füehrig.Trotz wiitere Chance hetts GC Züri verpasst, de Vorsprung uszbaue, was sich ih de zweite Halbziit räche sött. Servette isch zuenehmend besser is Spiel cho, hätt d Möglichkeite usgwärtet und chert de Match mit zwei Goal. D Stadtzürcher Grasshoppers hännd uf das nümme chönne reagiere und hännd sich am Schluss gschlage geh – eh schmerzhafti Niederlag, wo de Spielverlauf nöd ganz widerspieglet hätt. #GCIschZüri

Ih dere Churzepisode vom GCZ-Fan Podcast Sächsfoif redemer mit de GCZ-Squash Spielerin Cindy Merlo über ihre muetige Schritt zum uf Kairo z zieh, ihre Traum vo de Olympische Spiel 2028 in Los Angeles und d Herusforderig uf ihrem Weg.So chasch au du d Cindy unterstütze: Spend jetzt für Ihres Projekt zum de Traum vo Los Angeles 2028 z realisiere.Viele Dank für dini Unterstützig und Hopp GC Züri!

Ih dere Episode vom GCZ-Fan Podcast Sächsfoif dörfemer de Vizepräsident vo de Grasshopper Fuessball AG begrüesse, de András Gurovits. Sit 2015 im Verwaltigsrat und zwüsched 2019 und 2020 Präsident, git er spannendi Ihblick ih sini Zit bim echte Stadtclub. Er redet über sin persönliche Werdegang, sini Liideschaft fürs Ruedere und wie er zum Fuessball cho isch.De András verzellt, wie sini Verbindig zu GC Züri entstande isch und welli Herusforderige er sit sim Ihtritt ih de Verwaltigsrat erlebt hätt. Bsunders im Fokus stönnd die turbulente Phase unter de chinesische Investore und de Übergang zu de Amerikaner. Er erklärt, warum mer sich für Investore us de USA entschiede hätt und welli Unterschied er zwüsched de Eigetümer gseht.Au kritischi Frage chömmed zur Sprach: Wie präsent isch er bi de „Heimspiel“ im Letzigrund? Welli Rolle hät er gspielt bim Verchauf vo de Aktie? Hätt sich das finanziell für ihn glohnt? Zuesätzlich zieht er eh ersti Bilanz vo de Zämmearbet mit em LAFC und redet über möglichi Veränderige und Verbesserige. Zum Abschluss reflektiert de András Gurovits über sini Karriere, ob er rückblickend öpis andersch mache wür und wer er als zuekünftige Gast im Podcast gseh wett. Eh Episode mit tüüfem Ihblick, ehrliche Antworte und spannendi Hintergrundinfos für alli GCZ-Fans. #GCIschZüriBildquelle: Niederer Kraft Frey Ufnahmeinfos: Mittwuch 12.02.25, Züri

Trotz de Füehrig scho am Afang muss sich de GC Züri in Lugano miteme 1:1 begnüege. Es isch de Evans Maurin wo bereits ih de 7. Minute troffe hätt, nach em eh schnelle Konter über de Irankunda. Ih de erste Halbziit isch Lugano dominant im Ballbsitz bliebe, doch de ersti Club vo de Stadt Züri hätt kompakt verteidigt, während eusi Nummere 1 de Justin Hammel mit mehrere starche Parade den Vorsprung hätt chönne festhebe. Nach de Pause isch s Spiel abgflacht, bis denn de Papadopoulos ih de 86. Minute nach em Eckball doch no de Usglich für Lugano hätt chönne erziele. Churz vor Schluss isch de Ball wieder im GCZ-Netz glege, de de Treffer sich aber wege Abseits aberkannt worde. Am Schluss muss sich de Grasshopper Club Züri mit em Punkt begnüege – Am Sunntig wartet im Letzigrund de Servette FC. #GCIschZüriUfnahm: 12.02.25 18:30

Nonig lang ischs her: D GCZ-Legende Adi Noventa spricht s Boykott us vo Zweifel-Produkt und unzähligi Bekannti, Fans und sogar Gastronome mached mit. Nebed dere mediale Ufmerksamkeit isch viel meh dehinder, nämlich de Bau vom neue Hardturmstadion Züri. Mir reded über Zweifel, über s Stadion und wieso sie sich als Scouts für de GCZ empfehled.Spannendi Anekdote, Erfahrige und viel Herz und Liideschaft warted ih dere Episode uf dich, viel Spass bim ahlose und Hopp GC Züri! #GCIschZüriUfnahmedatum: Dunnstig 06.02.25 Ufnahmeort: Ishockeyhalle in Züri

Nachem 2:2 in Züri gege Lausanne-Sport gönnd d Meinige ussenand. En Sieg wär dinne glege aber im vorhinein kei Pflicht gsi, naja hett eus defintiv viel bracht. Immerhin phaltemer gnueg Abstand zum Abstiegsplatz und chönnd Stolz si uf eusi junge. Muci miteme Zaubergoal und de Tugra Turhan trifft zum erste Mal für de Stadtclub us Züri. Währeddem Neuzuegang Irankunda für 3 Persone rennt, dörf de GCZ de eint Punkt in Züri phalte. Viel Spass bim ahlose und Hopp GC Züri! #GCIschZüri

Eh bsunders Highlight ide Stadtzürcher-Podcastgschicht: De GCZ-Podcast Sächsfoif macht eh gmeinsami Spielanalyse mit Servettienns. De Lucas, Ben und de Bijan sind zueständig für de Liveradio, Liveticker und de Podcast vom Servette FC. Mir mached exklusiv mit Ihne eh Episode zum 1:1 unentschiede, zwüsched de beide Clubs Genf und Züri. Mir redet nebed de Highlights ufem Platz und de Analyse au über d Tradition vo de beide Schwiizer Clubs und lueged zrugg uf eh grossartigi Vergangeheit und uf eh langi Zuekunft. #GCIschZüri Danke für d Kooperation, Servette FC!

GC Amicitia Züri - De Handballverein vo eusere Stadt. Hüt z Gast ih de Episode vom GCZ-Podcast de Trainer Christian Bienz und die beide Spielerinne Martina und Büsra. Mir reded über de Weg vo de GCZ-Akteuere wie sie zum Verein cho sind und was d Ziel sind für die aktuell Saison und ihri Zuekunft. Vorallem ganz wichtig: Am Mittwuch spielt GC Amicitia Züri FU18E im Cup gege LC Brühl im Utogrund, Züri. Unterstütz eusi Juniorinne am Mittwoch 05. Februar 20:15 live vor Ort. #GCIschZüri Ufnahmedatum: 26.01.25 12:30 Züri - Info zu de Audioufnahm: D Episode isch remote per Videoufnahm ufgnoh worde

Die liideschaftlichi Fuessballerin Jessica het nöd nur Talent ufem Platz. Nebed Trainerin und Schiedsrichterin kümmeret Sie sich au um de Content und nimmt s Material au gern selber uf. Doch nöd nur das, de GCZ-VR het Sie sogar zur „Mitgründerin“ ernennt vo de GC Frauefuessball AG, will unteranderem ohni Sie wär die Gründig gar nöd möglich gsi. Zwüsched Strafrum und Strategie: D Jessica meisteret uf um nebem Platz alli Rolle, wie sie das schafft und vieles meh, seit sie im GCZ-Podcast Sächsfoif. Viel Spass bim ahlose und Hopp GC Züri! #GCIschZüri

Ih dere Spielanalyse redemer über s Spiel im Letzigrund gege YB, wo de Grasshopper Club Züri 0:0 spielt gege d BSC Young Boys. Trotz Chanceplus, emne misslungene Elfmeter und gueti Goalmöglichkeite günnt de Stolz us Züri das Spiel leider nöd. Mir reded ih dere Episode über d Offensivaktione, über eusi Neuzuegäng vo Bayern Münche und Schalke und wie mer de Turnaround doch no annebringend. Viel Spass bim ahlose und Hopp GC Züri! #GCIschZüri

Ih dere Episode gahts um Transfergrücht, Stand vom Giotto Morandi und wiitere Möglichkeite. Was seit d Podcast-Community und welli Positione münnd verstärcht werde? Zudem luegemer vorwärts uf de morgig Gegner YB, wo mir münnd ufpasse und wieso mir chönntet profitiere. Jetzt inne lose und alli in Letzi für GC Züri! #GCIschZüri Chlini Verbesserig: Bi de Minute 4 sinds natürlich 19 Spiel vom Morandi und nöd 18 Spiel für de GCZ.

Glanzsieg, wohl eher Kampfsieg: GCZ günnt mit 10 Spieler gege de FC Sion.  Mir reded hüt über eusi Ahreis uf Sion s Spiel im Wallis und wie mir de Match erlebt hännd. Innert 6 Spiel het de GCZ 6 mal mindestens es Goal gschosse, trotz de Unterzahl hämmer Wille und Teamgeist bewise und fiired de Sieg gege Sion. #GCIschZüri

D Welt vom Spitzesquash! Ih däre Episode redemer mitem Sächsfoif-Stammgast Dimitri Steinmann, em Ushängeschild vom GCZ-Squash-Team und eim vo de erfolgrichste Schwiizer Squash-Spieler. Gmeinsam luegemer uf sini bisherige Erfolg vom Jahr 2024 zrugg, unteranderem en sensationelle Sieg gege de Mohamed Elshorbagy bi de PSA Hong Kong Open 2024. Wie phaltet sich en Weltklass-Squash-Spieler während de Winterzit? Was sind sini grösste Herusforderige und Ziel? Antworte folged ih däre neue Episode vom GCZ-Podcast Sächsfoif. #GCIschZüri Info zu e Tonqualität: De Dimitri isch gad unterwegs gsi im Auto in richtig Magglinge. Ufnahmezit: 15.01.25 07:00

Es git News um euse Rekordmeister us Züri. Abgang Tobers, Abgang vo vier witere Spieler und nomal zwei. Mer chunnt gar nümme nah. Dezue mehreri Grücht rund um eusi offensivi Schlüsselspieler. Doch au Good News gits z vermelde: S Trainingslager z Spanie mit ufregende Gegner us Östrrich und Dütschland und eusne beide Neuzugäng. #GCIschZüri

Endlich isch er im GCZ-Fan Podcast Sächsfoif z Gast: De Richard Núñez. Nach längerem hin und her hetts klappt, us Uruguay zuegschalte isch de Ex-Stürmer vom Stadtclub us Züri Teil vom Sächsfoif-Podcast. 127 Spiel und 85 Goal für de Grasshopper Club Züri het de Richard hinter sich, debi de Meistertitel gholt und 2 Mal Top-Torschütz vo de Liga worde. Mir redet mitem Uruguay-Star über sin Weg bis zum GCZ, was genau de Erfolg usgmacht hätt und was ihm vom Hardturmstadion am meiste bliebe isch. Obwohl sin Wechsel uf Züri scho über 20 Jahr her isch seit er: „Das isch eini vo de erfolgrichste Ziite ih mine Karriere gsi!“ Viele Dank ad Podcast-Moderatore und Dolemtscher wo gholfe hännd ide Übersetzig, ohni eu wär das nöd möglich gsi. #GCIschZüri Ufnahmedatum: 03.01.25 Montevideo, Uruguay 18:00 - Züri, Schwiiz 22:00

Mir lueged zrugg uf d Podcast-Highlights vom Jahr 2024, viele Dank eui Unterstützig ih dem Jahr! 2025 gahts wieder mit ganz viel Energie witer. #GCIschZüri

Fast 1 Jahr isch verbi, sit de Los Angeles Football Club zum Mehrheitsaktionär vom Grasshopper Club Züri worde isch. Mir lueged zrugg uf es spannends Kapitel: Was het sich ufem Platz und nebedem Platz veränderet? Welli Chance und Herusforderige bringt die transatlantischi Partnerschaft mit sich? Und vor allem: Was heisst das für d’Zuekunft vom Stadtclub us Züri? Gäst, Hintergründ und en ehrliche Blick uf e neui Ära für Züri. Mach mit und tauch ih d’Welt vom LAFC und de Zürcher Grasshoppers! #GCIschZüri

Wiehnachtspause? Das bruchi nöd! De Persson findet klari Wort nachem GCZ-Sieg im St. Jakob Park. Endlich nach 10 sieglose Spiel günnt de Grasshopper Club Züri wieder und das in Basel. S Spiel isch sicher s Hauptthema ih dere Episode doch überschattet eus anderi News. De Nöggi isch vo Samstig uf Sunntig vo eus gange. R.I.P. ah dere Stelle an Nöggi mitem legendäre GCZ-Song "Nume GC". Was eus ebefalls beschäftigt hät isch de Transfer vom Steven Zuber zrugg id Schwiiz, au das wird ih dere Episode thematiesiert. S wichtigste: S Jahr 2024 positiv abgschlosse miteme Sieg in Basel. #GCIschZüri

Jetzt isch es fix: De Amir Abrashi bliebt eh witeri Saison, bis Summer 2026 bim Grasshopper Club Züri. Bildquelle: GCZ #GCIschZüri 

News us de Stadt: 2 ehemaligi Gsichter sind wieder zrugg bim GCZ. De João Paiva und de Christian Künzli sind offiziell ab Januar 2025 nei bi de GC Züri Fraue. Zudem findet morn de GCZ Event ade Amboss Rampe statt, chömmed verbi und zelebriered s letschte Mal im Jahr 2024 euse Grasshopper Club Züri. Bildquelle: GCZ Fraue #GCIschZüri 

Es 1:1 unentschiede gege de direkti Konkurrent wo sich ahfühlt wie eh Niederlag. Zu mageri Leistig chostet eusem GCZ 2 wichtigi Pünkt, doch vorallem bedenklich sind die Zueschauerzahle. Mir lueged zrugg ufs Spiel im Letzi und freued eus uf de Jahresabschluss ade Amboss Rampe. Viel Spass und Hopp GC Züri! #GCIschZüri

Cup-Out dur eh Fehlentscheidig? Rückblick ufs Zürcherderby, GCZ-Fanartikel ide Stadt und Usblick ufs Yverdon-Spiel Es hett nöd sölle si: Im Cup-Achtelfinal gege de Fuessballclub gheit GC Züri 1886 usse und muss de Fokus wieder uf d Liga setze. Mir reded über s ereignisriche Spiel und über die Schirientscheidig. Good News gits aber definitiv us de Stadt, GC Züri isch mit Fanartikel ade Löwestrass 2 im 11teamsports vertrete und z letschte luegemer au no ufs Spiele gege Yverdon. Viel Spass und Hopp GC Züri! #GCIschZüri

Keis eifachs Derby hännd d GCZ-Fans hinter sich: Am vergangene Samstig sind guet 600 Lüüt (unteranderem au mir) vo de Stadtzürcher Polizei ihkesslet worde, und hännd somit s ganze Zürcherderby verpasst. S Uswärtsderby isch leider nöd s Hauptthema vo hüt, sondern vorallem s Ereigniss ah de Duttwilerbrugg. Währed und nachem Spiel simmer festgahlte worde und s Derby isch mit 1:1 unentschiede usgange. Jetzt gahts aber bereits am morgige Zistig wiiter, denn de Stadtclub sit 1886 trifft uf de Fuessballclub. Dasmal staht de Cupfight ah, welle Zürcher-Club zieht is Viertelfinal? #GCIschZüri

S neue Derbylibli isch jetzt dusse, muetigi Farbkombination miteme wilde Muster. Hoffemer de Uftritt im Derby isch genauso herusragend wie d Trikots. De Luca und de Stephan redet über d Libli, welli Sie am schönste gfunde hännd und lueged zrugg uf s Weekend vo de GCZ-Jugend und de grandiosi Derbysieg vo eusere GC Züri U19. Bildquelle: GCZ #GCIschZüri

ZMITZT I DE STADT - GC Züri eröffnet de neui Hauptsitz am Limmatquai GC Züri isch wieder zrugg ide Stadt. Sit gester isch klar dasmer eh neui Heimat hännd.Nach 19 Jahr ischs definitiv Ziit worde, viele Dank allne wo das umgsetzt hännd! Jetzt under dem Link, d Tickets sichere für s Spiel vom GCZ gege WIN. #GCIschZüri

Jetzt isch d Chatz usem Sack: De Dütschi Tomas Oral wird neue Trainer vom Stadtclub us Züri. De 51-jährig unterschriebt de Vertrag bim erste Club vo de Stadt bis im Summer 2025. Wie die ersti Pressekonferenz und s Interview abgloffe isch, erfahrsch ih dere Episode. D Audio vom Interview isch im Bsitz vom Grasshopper Club Züri. Hopp GCZ! Bildquelle: GCZ #GCIschZüri 

De Stolz vo de Stadt luegt uf eh erfolgriichi Wuche zrugg, d Juniore vom GCZ brilliered aktuell ide Tabelle und vorallem eusi U21. Mitem Sieg gege Schötz hettmer einigi Pünkt wieder guetgmacht und het aktuell de ersti Rang ide 1. Liga Classic gsicheret. Eusi GCZ-Spieler sind ih dere Wuche im Ihsatz gstande unteranderem au euse Captain Amir Abrashi wo sogar ihgwechslet worde isch, hingege de Seko het für Japan sogar durregspielt. Welle Spieler sust no im Ihsatz gsi isch fürs jewilige Land ghörsch ih dere Episode. Zudem gits no en ganz churze Rückblick ufs Spiel vom GCZ gege SG im Letzi. Z letscht diskutiered de Luca, Dario und de Stephan au über de Trainer. Wär chönnt de neui Trainer wärde? Bildquelle: GCZ #GCIschZüri

Hüt z Gast im GCZ-Podcast: GCZ-Legende Richard "Richi" Bauer. De Richi hätt agfange Fuessballspiele wo er 8 Jahr alt gsi isch. Vo Seefeld isch de Zürcher zum FC Blue Stars gstosse und denn vo 1972 bis 1982 bim Stadtclub GC Züri gspielt. De Richi red über sini Afäng, wie er zum Fuessballer worde isch und nimmt eus mit wies isch, mitem GCZ mehrmals Meister z werde. Ih sinere Karriere hät er vieles erlebt, er redet über die strängst Zit vo sinere Karriere, wie er mit Zug ufgstiege und abgstiege isch und welli Bedütig de Präsident damals gha hätt. Ganz ahlose lohnt sich, viel Spass und Hopp GC Züri! #GCIschZüri 

Bitte entschuldiget d Tonqualität, trotzdem lohnts sich ahzlose - eh ufregendi GCZ-Podcast Episode mit de GC Amicitia Züri Handballerinne Sara Keene & Caroline Liesenberg, Sie spieled für de Stadtclub ide 1. Liga und sind liideschaftlichi Sportfanatikerinne, nebed Ihrem durchtaktete Alltag nehmed Sie sich vorallem Ziit für öpis: Nämlich de Handball ih de Farbe blauwiis. Mir reded über d Ziel wo Sie hännd und wünsched sich meh Interaktione mit de andere 11 Sportsektione vom Grasshopper Club Züri. Au Sie hännd leider müsse Gwalt erlebe ide Stadt und reded über d Erlebnis, de Umgang demit und wie mers chan ahgah. Es lohnt sich au die wiitere Sektione vom GCZ z verfolge, will meh GCZ-Herz gaht nümme. #GCIschZüri

De GCZ-Podcast als Gast bim GCZ-Forum in Züri - Erst gad am Mittwuch het de 2. GC Forum stattgfunde, unter anderen sind de Luca und de Stephan live debi gsi im Viadukt. Die beide liideschaftliche GC Züri-Fans brichtet vo Ihrem Ihdruck, wie sie de Event wahrgnoh hennd und welli Insights bekannt sind, nach em Gspröch mitem Sportchef Stephan Schwarz. Dezue redemer über Spitzespiel vo eusere U21 wo im Zürcher GCZ-Campus am Samstig Abig gege de FC Schötz spielt und lueged vorwärts uf s Spiel gege SG am Sunntig. #GCIschZüri 

Trainerkarussell in Züri, es git grad 2 Wechsel bi de beide erste Mannschafte vom GCZ. Eimal bi de Fraue und au bi de Manne, obwohl de Gallai eusi GCZ-Frau ide Winterpause verlaht. De Luca und de Stephan redet nebed de News au über s Spiel vom GCZ in Luzern. Morn isch übrigens s GCZ-Forum im Chreis 5 und s Testspiel wo no ahstaht gege Wacker Innsbruck. Verpass kei Neuigkeite und folg am GCZ-Podcast Sächsfoif uf allne Streaming-Plattforme, Danke für dini Unterstützig! Hopp GC Züri! #GCIschZüri

GC Züri spielt 1:1 gege Lugano im Letzigrund, de Dario und de Stephan analysiered s Spiel vom Dunnstigabig. Prominente Bsuech hetts geh ih de GCZ-Kurve, nämlich de Amir Abrashi het blauwiis nebed em Spielfeld unterstützt gha. #GCIschZüri