Sächsfoif - De Fan-Podcast vom GCZ

Nöd verpasse: De Mobiliar Handball Cupfinal vo euse GC Amicitia Züri Fraue. (22. Februar, Winterthur) ⁠Hol dir jetzt d Tickets für de Handball-Cupfinal unter dem Link!⁠GC Züri verliert e spektakuläri Partie i Lozärn mit 3:4. Zweimal gönd mir i Führung – durch Meyer und Plange per Penalty – und bechömed beidi Mal schnäll de Usglich. I de zweite Halbziit git’s es Eigetor vo Köhler zum 3:2 für Lozärn, aber Stroscio glich sofort wieder us. S entscheidende 4:3 schiesst Ottiger i de 76. Minute. Trotz Schluss-Offensive kei Punkt für GC.Du bisch no keis Mitglied vo de GC Züri Fuessball Sektion? Denn chasch dich ⁠⁠jetzt unter dem Link ahmelde⁠⁠. Nöd vergesse: Folg em⁠⁠ Instagram-Kanal vom GCZ-Podcast Sächsfoif⁠⁠, zum kei Neuigkeite z verpasse, rund um euse Herzensclub! Viel Spass und Hopp GCZ!#DeEchtiStadtclub #FirstClubInTown #GCIschZüri

Nöd verpasse: De Mobiliar Handball Cupfinal vo euse GC Amicitia Züri Fraue. (22. Februar, Winterthur) ⁠Hol dir jetzt d Tickets für de Handball-Cupfinal unter dem Link!⁠Ih dere Episode vom GCZ-Podcast Sächsfoif  luegemer zrugg uf s 1:1-Unentschiede zwüsched em Grasshopper Club Züri und de BSC Young Boys im Letzigrund. Es isch es intensivs Spiel mit viel Kampf, eme spöte Usgliich in Überzahl und eme VAR-Entscheid ih  de Nachspielziit, wo YB de Sieg no nimmt.Zerscht bringemer noed mir es paard News rund um GC Züri: Dde 3:0 Derbysieg vo de GCZ Fraue U20, de 1:2-Uswärtssieg vo de GCZ Fraue in Basel und en Reminder zum Cupfinal vo GC Amicitia Züri. Ahschlüssend besprechemer intensiv s Spiel vo GC Züri und blicked vorwärts uf die nögste Täg.Du bisch no keis Mitglied vo de GC Züri Fuessball Sektion? Denn chasch dich ⁠⁠jetzt unter dem Link ahmelde⁠⁠. Nöd vergesse: Folg em⁠⁠ Instagram-Kanal vom GCZ-Podcast Sächsfoif⁠⁠, zum kei Neuigkeite z verpasse, rund um euse Herzensclub! Viel Spass und Hopp GCZ!#DeEchtiStadtclub #FirstClubInTown #GCIschZüri

Du bisch no keis Mitglied vo de GC Züri Fuessball Sektion? Denn chasch dich ⁠jetzt unter dem Link ahmelde⁠. Nöd vergesse: Folg em⁠ Instagram-Kanal vom GCZ-Podcast Sächsfoif⁠, zum kei Neuigkeite z verpasse, rund um euse Herzensclub! Viel Spass und Hopp GCZ!#DeEchtiStadtclub #FirstClubInTown #GCIschZüri

GC Amicitia Züri staht zum erste Mal sit de Fusion vo ZMC Amicitia Züri und GC Züri Handball im Cup-Final! Mit eme starche 27:20-Sieg gege d Spono Eagles sichered sich d Zürcherinne am Samstigabig de Finalihzug und treffed det uf de amtierendi Meister LC Brühl Handball. Jetzt bruchts eus GCZ-Fans: Gmeinsam gömmer am 22. Februar uf Winterthur an Cupfinal für de Stadtclub us Züri! Tickets sind abem Mittwuch, 4. Februar 2026 verfüegbar. De GCZ trennt sich im Letzigrund 1:1 vom FC Lugano. D Tessiner sind vo Afang ah die spielbestimmendi Mannschaft, hännd sehr viel Ballbsitz und mached Druck, doch d Zürcher chönnd sich uf en überragende Justin Hammel im Goal verlah. Im GCZ-Podcast Sächsfoif reded de Stephan und de Dario intensiv über s Spiel und über de GC Züri-Goalie wo über sich ussewachst.Offensiv bringt euse Grasshopper Club Züri ih de erschte Halbziit lang chuum öppis z stand. Lugano isch dominant, aber z wenig konsequent vorem Goal, so gahts mit eme 0:0 i d Pause.Au nach em Sitewächsel hätt Lugano meh vom Spiel und chunnt ih de 62. Minute verdient zu de Füehrig: Nach eme schnäll usgfüehrte Freistoss schiebt de Renato Steffen zum 0:1 ih. Lugano hätt de Vorsprung nachher chönne usbaue, verpasst aber mehreri gueti Chance.Ih de Schlussphase bäumt sich GC Züri nomal uf, wird muetiger und üebt Druck uus. Und dä wird belohnt: Ih de 85. Minute trifft de 21-jährigi Samuel Krasniqi mit sim erschte Super-League-Goal zum viel umjublete 1:1-Usgliich. Churz vor Schluss gseht de Tessiner Mahmoud nach VAR-Entscheid no Rot, doch am Resultat änderet sich nüüt meh. Unterem Strich es grächts Unentschiede: Lugano isch über langi Phase besser, Züri zeigt Moral und holt sich mit ere starche Schlussphase en wichtige Punkt im Letzigrund.Du bisch no keis Mitglied vo de GC Züri Fuessball Sektion? Denn chasch dich jetzt unter dem Link ahmelde. Nöd vergesse: Folg em Instagram-Kanal vom GCZ-Podcast Sächsfoif, zum kei Neuigkeite z verpasse, rund um euse Herzensclub! Viel Spass und Hopp GCZ!#DeEchtiStadtclub #FirstClubInTown #GCIschZüri

RÜCKBLICK LS VS GCZ

Viel Spass und Hopp GC Züri!#DeEchtiStadtclub #FirstClubInTown #GCIschZüri

Hopp GCZ

Ih dere Episode vom GCZ-Podcast Sächsfoif redemer mit em Frank Strobel, em Präsident vo GC Unihockey, über Macht, Zweifel und Entscheid, wo me vo use nie gseht. Mir lueged zrugg zu sim erste Kontakt zu GC Züri, reded über sini Amtszit sit 2022, und fröged eus: Isch das Team grad im Flow oder scho ide heisse Phase vom Match?De Frank verzellt eus offe über heikli Entscheid, wo lang im Chämmerli brodled händ, über Momänt, wo d Realität vom Präsidente-Job andersch usgseh hätt als er sich das vorgstellt hät, und über das, was er am Schwiizer Unihockey-System ehrlich freut.Mir gönnd ih d Tüüfi: Wie vill Buchgfühl bruucht d Führig hüt no? Wo stösst Tradition ah ihri Grenze? Und was isch schwieriger, sportlichi Ambitione z bremse oder d Erwartige vom Umfeld z manage?Zum Schluss wird s persönlich und vorusluegend: Was hät de Frank über Füehrig glernt, wo ihm vorher nie so klar gsi isch, und was würd er sim Nachfolger uf de Weg geh, womer uf kei Fall unterschätze dörf?Es ehrlichs Gspröch über Verantwortig und GC-DNA.Viel Spass und Hopp GC Züri!#DeEchtiStadtclub #FirstClubInTown #GCIschZüri

Neus Jahr, neui Diskussione – mir sind zrugg mit ere frische Episode Sächsfoif, din GCZ-Podcast gaht jetzt scho is dritte Jahr! Mir lueged uf eusi Neujahrsvorsätz und mached en Abstecher nach Crans Montana.De Diaby und Hassane sind am Afrika Cup im Ihsatz, mir reded über de Transfer vo Tsimba vo YB zu GCZ und analysiered de Wechsel vom Lupi zu Nacional, was isch det schief gloffe?Zudem lueged mir uf eusi Stadtzürcher Unihockey Sektion - GC Unihockey im Cup-Halbfinal gege Rychenberg und de Trainingsstart mitem Amir Abrashi.Was beschäftigt eus aktuell ums Thema Hardturmstadion?Wo muess GC s Kader no verstärche, und was heisst das im Verglich zu LAFC und “Spend to win”?Mir diskutiered über de Sächsfoif Traum-Transfer, wo realistisch wär, eusi Erwartige a d Rückrundi, d Endplatzierig vo dere Saison und wo GC Züri ih de nöchste 2 Jahr stah chönnti.Zum Schluss gahts no um s Kommunikationsproblem vo GC Züri, Website, Social Media und de Uuftritt nach usse.Viel Spass und Hopp GC Züri!#DeEchtiStadtclub #FirstClubInTown #GCIschZüri

Zämme mitem Harun Gülen hemmer eh Episode gmacht, wo mir sini sportlichi und persönlichi Reis ganz offe und ehrlich aalueged. Mir redet im GCZ-Podcast Sächsfoif über sini Chindheit und Herkunft, wie alles aagfange het und was ihn früeh prägt het. Denn gahts vom Nachwuchssport is professionelle Umfeld und zu de erste wichtige Profi-Statione bi GC Züri, im Usland wie in Russland und de Türkei.Es folgt d Rückkehr ih d Schwiiz, wo Verantwortig und Füehrig immer wichtiger worde sind. Natürlich rede mer au über sin Weg i d Schwiizer Nationalmannschaft und wie er hüt sini Doppelfunktion zwüsched de Nati und Rapperswil-Jona meistert. Zum Schluss gahts um Persönlichkeit, Mindset und d Zuekunft, was ihn ahtriibt, wie er denkt und wo de Weg no annefüehrt. En Podcast mit Tüüfi, Ehrlichkeit und vill Ihblick hinter d Kulisse vom Profifuessball .Viel Spass und Hopp GC Züri!#DeEchtiStadtclub #FirstClubInTown #GCIschZüri

Wie Tele Züri brichtet hätt, ischs am Sunntigabig zumne Zwüschefall cho.Mehreri Vermummti Fans vom FC händ en 65-jährige GC Züri-Fan ahgriffe und schwerwiegend verletzt.Ah dere Stell wünsched mir de Betroffene viel Chraft und alles Gueti. Mir reded über de Vorfall und hennd en Appell an Ancillo Canepa.Dezue themisierem s GC-Buech, dasmals gahts um d Gschicht vom Ulrich „Uli“ Albers und euses Stadion ah de Hardturmstrass. Mir wünsched allne GC Züri-Fans besinnlichi und frohi WiehnachtsziitViel Spass und Hopp GC Züri!#DeEchtiStadtclub #FirstClubInTown #GCIschZüri

Viel Spass und Hopp GC Züri!#DeEchtiStadtclub #FirstClubInTown #GCIschZüri

Gad mit 6:2 bodigt de Zürcher Stadtclub d Berner Young Boys!GC Züri spielt wie gege Sion vo Afang ah mit höchem Pressig und viel Zug uf s Goal vom Heimteam, doch das Mal mit viel meh Erfolg. Im GCZ-Podcast Sächsfoif reded die 3 GC Züri-Fans über s Stadionerlebnis unter de Wuche im Wankdorf, über de Spielverlauf und die kommende Wuche.Jetzt no d GCZ-Wiehnachtsgschänk poschte und verpass nöd de Grasshopper Cup 2026 am Zürcher Hauptbahnhof.Bitte entschuldiged, s Mikrofon vom Stephan isch nöd korrekt verbunde gsi.Viel Spass und Hopp GC Züri!#DeEchtiStadtclub #FirstClubInTown #GCIschZüri

Uswärts bim FC Sion verlürt GC Züri mit 0:1.Mir reded im GCZ-Podcast Sächsfoif über die knapp Niederlag, analysiered die beide Halbziite und erkläred warum mir kein "Sächsfoif - Man of the Match" chönnd bestimme.Nacheme Penalty-Goal für d Sittener, hemmers nöd uf d Reihe bracht zum zrugg cho, trotz ere bessere Afangsphase.Am 17. Dezember staht YB ufem Programm, zämme uf Bern für eusi Liebi!Viel Spass und Hopp GC Züri!#DeEchtiStadtclub #FirstClubInTown #GCIschZüri

Eh bitteri Niederlag! GC Züri verlürt vor niedriger Kulisse im Letzi gege Servette mit 0:1. Im GCZ-Podcast Sächsfoif redemer über de Spielverlauf, wieso mir nöd hännd chönne reagiere uf s Goal trotz de Wechsel und warum d Lag prekär isch. Viel Spass und Hopp GC Züri!#DeEchtiStadtclub #FirstClubInTown #GCIschZüri

Pflichtsieg in Cham! GC Züri günnt mit 1:2 gege d Zuger und staht im Cup-Viertelfinal. Im GCZ-Podcast Sächsfoif redemer über de Match, über s Cup-Feeling und Servette Genf. Viel Spass und Hopp GC Züri!#DeEchtiStadtclub #FirstClubInTown #GCIschZüri

Im 100-Jahr ihgmietete Rosthuufe startet Züri mit Druck is Stadtderby: höchs Pressing, klari Chance und en aktive Ufritt präged die erst Halbziit. De Muci und de Diaby chömmed mehrmals gföhrlich zum Abschluss, doch de Ball wett nöd is Netz. Nachere unglückliche Defensivaktion dur en Eckball isch s 0:1 für de FC gfalle, en Rückstand, wo am Spielverlauf nöd entsproche het.Nach de Pause verlürt GC Züri ah Tempo und Durchschlagschraft. Trotz de offensive Wechsel blibt die erhoffti Reaktion im Exil us, und bis uf en harmlose Chopfball vom Zvonarek wird s Goal vom gegner chuum meh ernsthaft prüeft. D Partie endet 0:1, obwohl de Stolz vo Züri insgesamt viel investiert hätt ih de Match.Nach em Schlusspfiff chunnts no zu hitzige Szene: Zwei FC-Spieler flüged vom Platz, Euse Clemente gseht die gel Charte.Ih dere Episode vom GCZ-Podcast Sächsfoif redemer über s Spiel, sehr intensiv - Wie au über d Schwäche und Kritikpünkt und em Sächsfoif Man of the Match. Dezue hämmer no ufs Fotografe-Thema ufmerksam gmacht, wie au uf de Usblick vo de nögste Spiel.Chlini Info zu de Fotografe-Thematik: Wie ih de Episode erwähnt wemmer niemert demit persönlich ahgriffe nur eusi Meinig mitteile vo dem wo mir mitübercho hennd, us dem Grund hännd mir au kei Näme gnennt. Danke fürs Verständnis.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif, redemer gmeinsam mitem Othmar vom GC-Radio 86-Live, über de Schwiizer Klassiker.D Zürcher Grasshoppers trenned sich vor fast 8'000 Zueschauerinne und Zueschauer mit 1:1 gege de FC Basel. Usschlaggebend für de Punktgwünn: Neuzuegang Ullmann us Östrrich. Mir reded im Podcast über de Spielverlauf, über d Highlights (inklusive 3 roti Charte!?) und über s kommende Stadtzürcher Derby.Viel Spass und Hopp GC Züri!S Telegramm:Grasshopper Club Zürich – FC Basel 1893 1:1 (1:1)
Letzigrund – 7’900 Zueschauer – SR Luca Piccolo
Goal: 13. Ullmann 1:0 (Muci), 34. Traoré 1:1 (Shaqiri)GC Züri: Hammel; Abels, Diaby, Stroscio; Marques, Zvonarek, Meyer (62. Mantini), Ullmann (77. Arigoni); Clemente, Muci, Diarrassouba (62. Krasniqi)BAS: Hitz; Tsunemoto (92. Soticek), Barisic, Daniliuc, Schmid; Leroy, Bacanin; Salah (59. Agbonifo), Shaqiri (66. Koindredi), Traoré (59. Otele); Broschinski (46. Ajeti).Bemerkig: Züri ohni Hassane (gsperrt), Abrashi, Bettkober, Giandomenico, Jensen, Lee, Paloschi, Verón Lupi (alli verletzt) und Plange (krank). BAS ohni em Do Nascimento, und Metinho (beidi gsperrt). Gel-Rot: 64. Bacanin (Foul), 74. Marques (Foul), 90. Stroscio (Foul)Verwarnig: 44. Marques (Foul), 61. Bacanin (Foul), 63. Stroscio (Foul), 82. Arigoni (Foul)#DeEchtiStadtclub #FirstClubInTown #GCIschZüri

Usem GC-Buech verzellemer eu hüt d Gschicht vom Alfred Dürler.De Alfred isch in Moskau uf d Welt cho, aber so richtig gross worde isch er in Züri.Sin Lebesweg chan eh grossi Inspiration sii für Lüt mit verruckte Träum si, darum gahts ih dere Episode ganz um Ihn.Hol dir jetzt s GC-Buech und verpasst die Gschichte nöd.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif, redemer über de GC-Forum mitem GC Züri Cheftrainer Gerald Scheiblehner. Wie ischs für Ihn gsi vo Östrrich id Schwiiz zieh? Wie isch sin Start gsi, wie het er sich ihglet und wie schätzt er d Situation ih? Die Theme wie au de Veron Lupi, s Sytem und de Nati-Spieler Tim Meyer werded ih dere Episode ahgsproche.Viel Spass und Hopp GC Züri!#DeEchtiStadtclub #FirstClubInTown #GCIschZüri

Endlich! GC Züri günnt churz vor Schluss gege WIN mit 0:1! Es isch de Muci gsi, d Stadtzürcher ide 90+2 befreit und is Glück schüsst. Im GCZ-Podcast Sächsfoif analysieremer s Spiel vo GC Züri und befassed eus ebefalls mitem Heimteam. Viel Spass und Hopp GC Züri!#DeEchtiStadtclub #FirstClubInTown #GCIschZüri

Never-Ending Story: S Hardturm-Stadion für Züri verzögered sich wiiterhin und d Rekurente ziehnd vor s Bundesgricht. Mir reded ih dere Episode vom GCZ-Podcast Sächsfoif über die aktuelle News, über d Lüüt wo dehinder stecked und lueged vorwärts uf s Spiel gege WIN.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ide Innerschwiiz gaht de Grasshopper Club Züri ohni Pünkt und und ere 0:6 Klatsche hei.Direkt nachem Spiel hemmer die zum Glück nur 90 Minute under d Lupe gno. Mir sind hässig, mir sind frustriert, eus fehled d Wort. Jedoch mümmer Wort zunend bringe und zu de Leistig wo mer ufem Platz zeigt hett. Eusere Meinig nah liiht s Problem nöd eifach ah de Spieler, sondern am ganze System vo dem Konstrukt.Bitte entschduldiged de Usfall vom Stephan sim Mikrofon am Afang.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih dere Episode vom GCZ-Podcast Sächsfoif thematisierem s 3:3 am vergangene Dunnstig zwüsched GC Züri gege YB, wie au s Derby GC Amicitia Züri gege Yellow Winterthur, euses Erlebnis mitem Erich Vogel und reded über d GCZ-Fan Reaktione zu Blue Sport.Viel Spass und Hopp GC Züri!#DeEchtiStadtclub #FirstClubInTown #GCIschZüri

GC Züri verlürt in SG klar mit 5:0. Eh verdienti Niederlage und im GCZ-Podcast Sächsfoif redemer drüber und gönnd d Szene nomal ih. Eh Therapiestund wo eus wieder zrugg id Realität holt. Viel Spass und Hopp GC Züri!#DeEchtiStadtclub #FirstClubInTown #GCIschZüri

Es isch nöd eifach gsi, trotz dere grosse Euphorie nachem Derbysieg verlürt GC Züri gege de FC Sion mit 0:1.Guet 80 Minute het blauwiss mit 10 Spieler müsse uuscho, da de Verteidiger Saulo Decarli rot kassiert het. Im GCZ-Podcast Sächsfoif redemer wie gwohnt über de Spielverlauf und d Schlüsselszene.Doch au im Basketball gahts zue und her, ufem Feld isch GC Züri z Oerlike am vergangene Wuchenend erfolgrich gsi. Absits vom Feld wird wohl eigewillig ghandlet, denn d Zürcher Basketballer spieled nümme in blauwiss. In London hämmer eh ufregendi Begegnig gha: Euse GCZ-Host hätt d Spieler Plange und Veron Lupi troffe, de Argentinier verzellt wieso er wüki nöd spielt.Nöd verpasse und jetzt innelose, ih die neusti Episode vo dim GCZ-Podcast.Viel Spass und Hopp GC Züri!#DeEchtiStadtclub #FirstClubInTown #GCIschZüri

"GC Züri isch eh Familie!"Ih de neuste Episode vom GCZ-Podcast Sächsfoif treffemer uf zwei Spielerinne, wo Landhockey im Herze und Liideschaft im Blut hännd: D Tanja Landtwing und d Emily Esser. Sie reded drüber, wer sie wüki abseits vom Feld sind, wie alles mit em erste Schläger agfange hätt und warum Landhockey für sie meh als nur Sport isch, sogar fast scho Magie. Gmeinsam blickemer uf ihri Persönlichkeite, prägende Moment vo Erfolg und Rückschläg und erfahred, was Teamgeist, Vertraue und Fründschaft für sie bedütet. Und natürlich: welli bsunderi Rolle de Grasshopper Club Züri ih ihrem Lebe spielt.Nöd verpasse: Folg de Instagram-Konte Vo GC-Landhockey und verpass kei Neuigkeite meh.Die Episode isch am 15. September 2025 ufgnoh worde. De Stephan isch bi dere Episode vercheltet gsi und hätt nöd chönne aktiv teilneh.Viel Spass und Hopp GC Zuri!#DeEchtiStadtclub #FirstClubInTown #GCIschZüri

Machtdemonstration! Im 291. Zürcherderby günnt GC Züri mit 3:0 gege de FC. Ih dere Spielanalyse redemer nomal intensiv über de Spieltag, bespreched d Schlüsselszene und fiiret nomal d Nummere 1 vo eusere Stadt. Dezue besprechemer au de Uftritt vo de GC Fraue im Letzigrund gege Ajax Amsterdam ih de 2. Rundi vom UEFA Europa Cup. Au vom Hardturm gits News: D Rekurs sind abgschmetteret worde und jetzt chammer endlich baue, oder?Nöd verpasse und jetzt innelose, ih die neusti Episode vo dim GCZ-Podcast.Viel Spass und Hopp GC Züri!#DeEchtiStadtclub #FirstClubInTown #GCIschZüri

Mit 2:1 und eim Maa weniger verlürt de Grasshopper Club Züri uswärts im Tessin. Im GC Züri-Podcast Sächsfoif befassemer eus mitem Spiel im Tessin, reded wie gwohnt über d Schlüsselszene und de Spielverlauf. Zudem teilemer mit dir, was eus no beschäftigt, nämlich die gross ahkündeti Zemmearbet mit 11 Teamsports, wo fast kei Artikel bechunnt (oder besser gseit gar kei) vom Grasshopper Club Züri.Viel Spass und Hopp GC Züri!#DeEchtiStadtclub #FirstClubInTown #GCIschZüri

Ih de hütige Episode vom GCZ-Podcast Sächsfoif sind zwei Handballerine z Gast, mit de Helen und de Mailee redemer nöd nur wie sie uf de Handball ufmerksam cho sind, sondern au über anderi GCZ-Sektione und natürlich de Fuessball. Welle Ort isch für Sie d Heimat? und warum söttsch au DU sie unterstütze ide Saalsporthalle ide European League? Das erfahrsch ih de Episode.Bitte entschuldiged d Audioqualität, will nöd alli es Mikrofon gha hännd. Viel Spass und Hopp GC Züri!#DeEchtiStadtclub #FirstClubInTown #GCIschZüri